JOSE MOURINHO AZIDI KUMTEGA WAYNE ROONEY

KUALA LUMPUR, Malaysia

“Nitawachagua wachezaji wa England katika kikosi changu kwa ajili ya timu ya taifa na nitawachagua wao kwa ajili ya kocha wa timu yao ya taifa. Nitafanya kila kitu kwa wachezaji wangu wa kimataifa wa Uingereza, ili kuwasapoti"

JOSE Mourinho amezidi kumtega mshambuliaji Wayne Rooney wa Manchester United, baada ya juzi kuahidi kuisaidia timu ya taifa ya England kufuzu fainali za Kombe la Dunia 2014 zinazotarajia kufanyika nchini Brazil mwaka.

Mreno huyo aliyemwahidi Rooney kumtumia kama mshambuliaji pekee kikosini katika mfumo wa 4-3-2-1, iwapo atakubali kutua Chelsea, amesema ana nia ya kumsaidia kocha wa timu hiyo maarufu kama Three Lions, Roy Hodgson kujikatia tiketi ya kutinga Brazil.

Mourinho aliyekaririwa akimhakikishia namba Rooney anayemuwania kutoka Man United, alisema : “Nataka kusaidia. Nataka kumsaidia Hodgson. Nitawaandaa wachezaji katika njia mzuri.

“Nitawandaa wao vizuri, nitawahamasisha vizuri kwa kuwa na msimu mzuri – na waweze kufika katika siku ya mwisho ya msimu wakiwa na hali nzuri,” alijinasibu Mourinho aliyeihama Real Madrid na kurejea Stamford Bridge.

Mourinho aliyasema hayo jijini hapa wakati akijiandaa kukiongoza kikosi chake kwenda Jakarta inakotarajia kuumana na Indonesia All-Stars.

Special One aliongeza: “Nitawachagua wao kikosi kwa ajili ya timu ya taifa na nitawachagua wao kwa ajili ya kocha wa timu yao ya taifa. Nitafanya kila kitu kwa wachezaji wangu wa kimataifa wa Uingereza, ili kuwasapoti wao.

“Na nitafurahi sana kama England na wachezaji wangu wa Uingereza watapata mafanikio. Hivyo, ndiyo, nitajaribu kuwasaidia wachezaji wa Uingereza.

“Makocha wote wanafikiri namna ya kuweza kuwasaidia,” alimaliza Mourinho.

The Sun