NEY WA MITEGO, DIAMOND WAJIPANGA UPYA

Na Elizabeth John

  BAADA ya kutamba na ngoma yao ya ‘Muziki gani’, wakali wa muziki wa kizazi kipya nchini, Diamond na Ney wa Mitego, wanatarajia kuachia kazi nyingine hivi karibuni baada ya kuchagua waanze na ipi.

Akizungumza jijini Dar es Salaam, Ney wa Mitego alisemaa kuna nyimbo tatu ambazo zipo tayari ambazo ni ‘Salam zao’, ‘Kwa Masela’ na ‘Utakula jeuri yako’.

“Hatujajua tuanze na kazi gani kati ya hizo mbali na kila mtu kuwa katika ‘tour’, tutakaa tushauliane na wadau mbalimbali ndipo tutakapoamua tuanze na mzigo gani kati ya hiyo,” alisema.

Alisema ilikuwa tuachie kazi moja kati ya hizo lakini kutokana na mambo mengi yaliyopo kati yangu na msanii mwenzangu aliyenipa shavu katika kazi hizo kuwa na ziara mbalimbali.

“Nawaomba mashabiki kukaa tayari kwaajili ya kupokea moja ya kazi hizo zilizoandaliwa muda wowote kuanzia sasa mara baada ya kukutana na wadau kwaajili ya kujadili tutoke vipi,” alisema.