WALTER ASHUKURU MAPOKEZI YA 'DORODORO'

Na Elizabeth John

MSANII wa muziki wa RnB nchini, Walter Chilambo, amewashukuru mashabiki wake kwa kumpokea vema na kibao chake cha ‘Dorodoro’.

Akizungumza jijini Dar es Salaam, Walter alisema kazi hiyo ameisambaza hivi karibuni na anaona muitikio kwa mashabiki wake unamridhisha na kutofautisha na kibao chake cha kwanza kinachokwenda kwa jina la ‘Siachi’.

“Nawashukuru mashabikli wangu kwa kuipokea vizuri kazii naimani mashairi yaliyopo ndani yake yamesimama na yana ujumbe kwa jamii, naomba wasinichoke waendelee kunipa sapoti katika kazi zingine zinazofuata,” alisema msanii huyo ambaye ni mshindi wa Bongo Star Search mwaka jana.

Akizungumzia uandaaji wa video ya kazi hiyo pamoja na ile ya ‘Siachi’ kwamba yupo katika hatua za mwisho na anawaomba mashabiki wake wasichoke kumsubiri.

“Nitatangulia kutoa video ya ‘Siachi’, nina imani itakuwa nzuri kutokana na maandalizi ya muda mrefu, najua mashabiki wanaisubiri kwa hamu ila nawaahidi hivi karibuni wataiona,” alisema.