SNURA AISAMBAZA 'NIMEVURUGWA'

Na Elizabeth John

MWANADADA anayetamba katuka tasnia ya muziki wa mduara, Snura Mushi ‘Snura’ amesambaza wimbo wake mpya unaokwenda kwa jina la ‘Nimevurugwa’ katika vituo mbalimbali vya redio.

Wimbo huo utakuwa ni wa pili ambapo awali aliachia wimbo wa  ‘Majanga’ ambao bado unafanya vema katika tasnia ya muziki huo kutokana na kusimama kwa mashairi yake.

Akizungumza jijini Dar es Salaam jana, Snura alisema wimbo huo ambao pia ameutengeneza katika miondoko ya mduara umeutambulisha jana katika vituo mbalimbali vya redio.

Mklai huyo anasema baadhi ya wadau wa muziki wake wameupa sifa wimbo huo ambao umezungumzia mambo kadha wa kadha  katika jamii,  elimu na maisha kwa ujumla.

Awali msanii huyo ambaye nyota yake ilianza kung’ara katika uchezaji wa filamu lakini baadaye aligeukia muziki wa mduara ambapo sasa anaonekana kupiga hatua kwa kiasi fulani.