DIAMOND AWATOSA WASANII WA BONGO

Na Elizabeth John

MSANII wa muziki wa bongo fleva, Naseeb Abdul ‘Diamond Platinum’ amesema hatafanya tena kazi na wasanii wa bongo akitaka kushirikiana ataangalia mbele kwa kushirikiana na wasanii wa nje walioendelea.

Kauli hiyo ya Diamond imekuja baada ya kuambiwa ameiba ‘Beat’ la wimbo wa Dyna pamoja na baadhi ya mashairi kutoka kwa Baba Levo.

Akizungumza jijini Dar es Salaam juzi, Diamond alisema wasanii wengi wa bongo hawana uelewa na ndio maana hawaendelei kama nchi za wenzetu, harudii tena kushirikiana katika kazi zake.

“Unajua bongo tuna wivu wa kijinga sana, ukiona mwenzako kaendelea tu unamtafutia kila namna ili aonekane mbaya, Dyna anawimbo wake lakini haufanani kabisa na huu na kama ni swala la ‘beat’, nafikiri yatakua yanaendana kazi hii nimefanya Afrika Kusini yatafanana vip,? Alihoji Diamond.

Wimbo ambao wasanii hao wanalalamika kuibiwa na msanii Diamond, unaitwa ‘My Number One’ ambao unafanya vizuri katika vituo mbalimbali vya televisheni na redio ndani na nje ya nchi.

Diamond ni ni msanii ambaye anafanya vizuri Tanzania huku akitamba na kazi zake kama, ‘Kesho’, ‘Kizai zai’, ‘Nataka kulewa’, ‘Nimpende nani’, ‘Moyo wangu’, ‘Mbagara’ na nyinginenzo ambazo zilimtambulisha na kufanya vizuri sokoni.