'KIMUGINA' YA LINEX VIDEONI

 Na Elizabeth John

BAADA ya kutamba na kibao chake cha ‘Kimugina’, msanii wa muziki wa kizazi kipya nchini, Sunday Mangu ‘Linex Mjeda’ anataraja kuachia video ya kazi hiyo hivi karibuni.

Mbali na kazi hiyo, Linex alishawahi kutamba na kibao chake cha ‘Mahakama ya mapenzi’, ‘Aifola’ ‘Moyo wa subira’ na nyinginezo ambazo zilimtambulisha na kufanya vizuri katika tasnia ya muziki huo.

Akizungumza na Habari Mseto jijini Dar es Salaam, Linex alisema yupo katika hatua za mwisho za uandaaji wa kazi hiyo ambayo anaamini itakua vizuri kutokana na ubora wa mazingira ambayo ameyatumia.

“Naomba wapenzi wa kazi zangu wakae mkao wa kula kiupokea video ya kazi hii ambayo naamini itafanya poa kutokana na ubora wa mazingira pmoja na video yenyewe kutengenezwa kiubora zaidi,” alisema.

Alisema mbali na kazi hiyo, pia kuna kazi nyingine ambazo zinakuja, mashabiki wake wakae mkao wa kula kwaajili ya burudani hizo ambazo zipo katika maktaba yake.