SNURA ASHAHARIBU

Na Elizabeth John

MWANADADA anayetamba katika muziki wa mduara, Snura Mushi ‘Snura’ au ‘Mamaa Majanga’ anajipanga kusambaza kazi yake mpya inayojulikna kwa jina la ‘Ushaharibu’.

Akizungumza jijini Dar es Salaam jana, Snura alisemawimbo huo ni muendelezo wa kazi yake ya ‘Nimevugwa’ ambayo pia inafanya vizuri katika tasnia ya muziki huo.

“Huu ni kama muendelezo wa ‘Nimevurugwa’ ukiisikiliza kwa makini utaelewa nini kinazungumzwa humo ndani nafikiri naanza kuisambaza wiki hii katika vituo mbalimbali vya redio, kwenye mitandao ya kijamii tayari nishaisambaza,” alisema.

Snura alitoa shukrani kwa mashabiki wake kwa kumpokea vema katika tasnia hiyo ikiwa ni pamoja na sapoti ambayo wanaendelea kumpa katika kazi zake.

Mbali na kazi hiyo, mwanadada huyo alishawahi kutamba na kazi yake ya ‘Majanga’ ambayo ilimtambulisha na kufanya vizuri katika soko la muziki huo.