AY ATOA WIMBO KUMSAPOTI DIAMOND TUZO ZA MAMA

Na Elizabeth John

MSANII wa muziki wa kizazi kipya nchini, Ambwene Yesaya ‘AY’ amerekodi wimbo maalumu kwa ajili ya kumpigia debe, Naseeb Abdul ‘Diamond Platinum’ ili ashinde tu

 zo za MTV (MAMA).

Katika tuzo hizo za Afrika, ni msanii Diamond pekee ambaye amefanikiwa kuingia kuiwakilisha Tanzania kama msanii bora ambaye anaiwakilisha nchi.

Akizungumza jijini Dar es Salaam jana, AY alisema, ameamua kufanya hivyo kutokana na kujua umuhimu wake hivyo anaomba watanzania wote wawe nyuma yake.

“Diamond kaiwakilisha nchi vizuri ni yeye pekee ambaye ameingia kwenye tuzo hizo kama msanii nimeona nitoe wimbo wa kumpa sapoti mwenzetu afanikiwe katika tuzo hizo ili aiwakilishe nchi yetu vizuri,” alisema.

“Diamond akipata ni kama tumepata wasanii wote pamoja na Watanzania wote hivyo ni vizuri tukiwa na umoja katika mambo mazuri, tusiwe na wivu leo kaitwa Diamond na siku nyingine atafanikiwa mwingine,” alisema.

Diamond alipata nafasi ya kushiriki katika tuzo hizo baada ya kufanikiwa kuwa ni msanii ambaye ameliteka soko la Afrika kupitia kazi zake ambaye anaiwakilisha Tanzania.