DULLY AJIVUNIA MIAKA 15 YA USANII

Na Elizabeth John

BAADA ya kutimiza miaka 15 tangu alipoingia katika tasnia ya muziki ya Bongo Fleva, msanii Abdul Sykes ‘Dully Sykes’ anatarajia kufuangua studio ya kufanya kazi za ‘live’ na matangazo mbalimbali.

Akizungumza jijini Dar es Salaam jana, Dully alisema, anaamini studo hiyo itakuwa kati ya studio bora na zenye mvuto kutokana na umakini ambao atakuwa nao.

“Sisemi kama Bongo hamna studio kubwa zipo lakini hii itakuwa ndio namba moja, wanaopenda kufanya kazi na mimi na kutangaza biashara zao karibuni sana, studio naihamishia Tabata Bima sio Kinondoni tena,” alisema.

Alisema, hivi karibuni anatarajia kutangaza siku ya kuanza kufanya kazi hivyo wanaopenda kufanya nae kazi wakae mkao wa kula.

‘‘Nitaanza kufanya kazi na bendi mbalimbali, mtu mwenyebiashara yake anataka matangazo nae namkaribisha kutekodi audio na video kwa wasanii wenzangu na kazi zingine nyingi tu ni vizuri ufike ujionee mwenyewe,” alisema.

Dully ni kati ya wasanii wa Bongo ambao wanafanya vizuri kutokana na ubora wa mashairi ambayo yanakuwa na mvuto kwa jamii na kumtangaza vema katika soko hilo.