Msemaji wa Familia, Godfrey Mwandosya
Rais Kikwete ametuma salamu za rambirambi kwa Mkuu wa Mkoa huo Saidi Meck Sadiq kutokana na vifo hivyo vya watu sita wa familia moja waliopoteza maisha kwa moto usiku wa kuamkia jana, Jumamosi, Januari 7, 2015, katika eneo hilo la Kipunguni ‘A’, Ukonga.
Katika salamu zake hizo, Rais Kikwete amevielezea vifo hivyo kuwa ni vya kusikitisha na kuhuzunisha sana.
“Nimepokea kwa mshtuko mkubwa taarifa ya vifo vya watu sita wa familia moja kutokana na kuunguzwa na moto.
Ni vifo vya kusikitisha na kuhuzunisha sana. Nakutumia wewe Mkuu wa Mkoa wa Dar es Salaam, salamu za rambirambi za dhati ya moyo wangu kuomboleza pamoja nawe, ndugu na jamaa na Wanaukonga wote kwa msiba huu mkubwa na wa ghafla,”alisema Rais Kikwete na kuongeza:
“Naomba uniwakilishie salamu zangu na pole nyingi kwa Wanafamilia, wanandugu na jamaa wote ambao wamepoteza wapendwa wao katika tukio hili. Wajulishe kuwa niko nao na naungana nao katika kuomboleza vifo vya wapendwa wetu hawa kwa sababu msiba huu ni wetu sote. Aidha, waambie kuwa naungana nao katika kumwomba mwenyezi mungu, mwingi wa Rehema, aziweke pema roho za marehemu.”
Rais Kikwete pia aliongeza kuwa ni matarajio yake kuwa vyombo husika vya Serikali vitafanya uchunguzi wa kina kuhusu tukio hilo ili kubaini chanzo na mazingira ya moto huo.
Wakati huo huo Jeshi la Polisi leo limekabidhi miili ya marehemu sita wa familia moja kwa ndugu zao kwa ajili mazishi,
yanayotarajiwa kufanyika Februari 10 katika makaburi ya Air Wing Ukonga wilayani Ilala
jijini Dar es Salaa.
Watu hao sita ni Kepten mstaafu wa Jeshi la Wananchi Tanzania (JWTZ),
David Mpila na familia yake walifariki juzi kwa kutetekea kwa moto eneo la
Kipunguni ‘A’ katika Wilaya hiyo jijini.
Mbali na Kepteni Mpila, wengine waliofariki dunia katika
tukio hilo la moto ni mkewe, Celina Yegela na watoto wao; Lucas Mpila na Samwel
Yegela wanaokadiriwa kuwa na umri kati
ya miaka 20-30 pamoja na wajukuu Celina Emmanuel (9) na Paulina Emmanuel (5).
Familia hiyo ilitekelea kwa moto usiku wa kuamkia juzi,
inadaiwa chanzo cha moto ilikuwa ni hitilafu ya umeme baada ya watu waliokuwa
wakiangalia mpira sebuleni kushindwa kuzima vifaa vya umeme walipokwenda
kulala.
Msemaji wa familia ya marehemu Mpira, Godfrey Mwandosya,
alisema miili baada ya kukabidhiwa itaendelea kuhifadhiwa katika Hospitali ya
Taifa Muhimbili hadi Jumanne asubuhi Februari 10 itakapotolewa kwa ajili ya mazishi katika
makaburi hayo.
Alisema hatua hiyo inatokana na kuwa tangu familia hiyo
ilipoteketea uangalizi wake ulikuwa chini ya jeshi hilo la polisi, ambalo
linaendelea na uchunguzi ili kubaini chanzo cha vifo hivyo.
Alisema miili ya marehemu itawasili nyumbani kuanzia saa
5 asubuhi na baadaye itafuata ibada ya
kuaga miili hiyo na saa nane mchana wataelekea katika Kanisa Katoliki la Ukonga
kwa ajili ya ibada ya kuwaombea marehemu na kisha kuelekea makaburini.
“Unajua kwa vile mzee alikuwa mwananajeshi, kwa utaratibu
wa Jeshi la Wananchi wa Tanzania inapotokea tatizo kama hili linawajibika
kusimamia mazishi kwa hiyo katika msiba huu litawajibika kwa watu watatu
wengine ni juu ya familia,”alisema Mwandosya.
Aidha, alisema mtoto wa marehemu aliyenusurika na ajali
hiyo ya moto, katika ajali hiyo, watoto wawili waliopoteza maisha ni wakwake,
bado amehifadhiwa mbali na eneo la tukio, kwani ana matatizo ya kichwa pamoja
na ugonjwa wa Kifua Kikuu (TB).
“Tunaishukuru sana serikali kwani tangu juzi imekuwa
mstari wa mbele katika kutoa vyakula,”alisema Mwandosya.
No comments:
Post a Comment