WAZIRI NYALANDU; URAIS USIWAGAWE WANA CCM

Waziri wa Maliasili na Utalii, Lazaro Nyalandu, akisalimiana kwa furaha na Waziri mwenzake, Profesa Mark Mwandosya, wakati walipokutana Uwanja wa Ndege wa Mpanda mkoani Katavi, wakiwa kwenye harakati za kusaka wadhamini mkoani humo.

Waziri wa Maliasili na Utalii, Lazaro Nyalandu, akiwaaga baadhi ya wanachama wa CCM waliojitokeza kwenye Ofisi ya CCM wilayani Mpanda, jana, wakiomba kumdhamini katika harakati zake za kuwania kupeperusha bendera ya Chama katika nafasi ya urais. Nyalandu alikuwa mkoani humo kusaka wadhamini, ambapo mamia walijitokeza.

MKE wa Waziri wa Maliasili na Utalii, Lazaro Nyalandu, Farajam akiwa na mke wa Waziri wa Nchi, Ofisi ya Rais (Asiye na Wizara Maalum), Profesa Mark Mwandosya, wakati wapokutana Uwanja wa Ndege wa Mpanda mkoani Katavi, kusaka wadhamini. Nyalandu na Profesa Mwandosya wote wanawania kuteuliwa na CCM kupeperusha bendera kuwania urais.

xxxxxxxxxxxxxxxxxxxxxxxxxxxxxxxxxx

Waziri wa Maliasili na Utalii, Lazaro Nyalandu, amesema mbio za kuwania kurithi mikoba ya Rais Jakaya Kikwete zisitumike kuwagawa wanaccm na badala yake ziongeze umoja na mshikamano ndani ya chama. 

Amesema hatua ya kujitokeza kwa viongozi wengi kuutaka urais inadhihirisha ccm ina hazina kubwa ya viongozi ambayo inapaswa kulindwa kwa maslahi ya taifa. 

 

Amesema miongoni mwa wengi waliojitokeza, lakini nafasi hiyo itakwenda kwa mwanaccm mmoja ambaye ni lazima aungwe mkono na wote ili kuhakikisha ccm inashinda. 

Nyalandu ambaye ni miongoni mwa makada vijana wenye nguvu na ushawishi mkubwa kutokana na utendaji kazi wake, aliyasema hayo jana wakati akizungumza na mamia ya wanaccm waliojitokeza kumdhamini mkoani mara.

"Ndugu zangu kila siku viongozi wetu wa juu wanasema chama kwanza, mtu baadaye na katika mbio hizi wagombea ni wengi lakini mwisho wa siku kitapata dereva mmoja ambaye ataendesha hili gari na kuwafikisha watanzania safari yao ya maendeleo kwa Amani na usalama" alisema nyalandu. 

Alisema mchakato wa urais ndani ya ccm ni demokrasia na inatekeleza taratibu na kanuni za chama hivyo, mwisho wake lazima wote tuungane na kuwa kitu kimoja. 

Alisema makundi na mgawanyiko ndani ya ccm usipewe nafasi kwani, unaweza kuleta madhara. Huku akishangiliwa na mamia ya wanachama, nyalandu alisema adhma yake ni kuwaunganisha watanzania kuwa kitu kimoja na kuharakisha maendeleo. 

Alisema Tanzania imejaliwa kuwa na rasilimali nyingi ikiwemo mbuga za wanyama, madini lakini kubwa ni watu wake ambao ndio rasilimali kubwa. "Niko hapa mara mahali penye historia ya pekee ya taifa hili, kila mmoja anafahamu na kuthamini kazi kubwa iliyofanywa na bana wa taifa. Sasa lazima mema yote aliyofanya yatumike kuleta mshikamano na umoja kwa taifa hili. Mwalimu alisema bila ccm madhubuti nchi itayumba, sasa mchakato ukiisha tuungane na mgombea wa ccm ili tushinde. 

Tu ache makundi kwa sababu mungu alisema ndio hakuna wa kupinga. Rais wa Tanzania atakuwa mmoja na mungu pekee ndiye anamjua hivyo, tusigombane," alisema.

Nyalandu aliendelea kuwaomba wanaccm kuendelea kuwa na imani naye na kumuunga mkono ktk harakati zake na kwamba, kujitokeza kwao kwa wingi ni ishara kuwa ana vigezo na anatosha kubeba jahazi la ccm.

Alisema amekuwa ndani ya chama, bunge na serikali hivyo amejipima na ana vigezo vya kuongoza taifa.