DROO YA PILI YA SHINDA NYUMBA KUFANYIKA KESHO

Msomaji wa Gazeti la Uwazi wa eneo la Temeke Mwembe Yanga, Japhary Maleku (katikati) akijaza kuponi yake. Anayeshuhudia kushoto ni Ofisa Masoko wa Global, Yohana Mkanda na msomaji mwingine pembeni yao akiwatazama.

xxxxxxxxxxxxxxxxxxxxx

LILE Shindano la Shinda Nyumba linaloendeshwa na Kampuni ya Global Publishers wachapishaji wa Magazeti ya Uwazi, Ijumaa, Risasi, Amani, Ijumaa Wikienda na Championi linazidi kushika kasi ambapo kesho Alhamisi, Februari 18, mwaka huu droo ya pili itafanyika Mchikichini, Karume, Ilala jijini Dar. 

Akizungumza na gazeti hili Afisa Masoko wa Global Publishers, Yohana Mkanda aliwataka Watanzania kuendelea kununua magazeti hayo kwa wingi na kukata kuponi ili waweze kujiongezea nafasi ya kushinda.

 “Wewe msomaji unatakiwa kununua gazeti lolote linalochapishwa na Kampuni ya Global Publishers kisha unajaza kuponi itakayokuwezesha kushiriki droo hiyo ya pili ambayo utajishindia zawadi mbalimbali,” alisema Mkanda. 

Katika droo hiyo zawadi zitakazotolewa ni pamoja na runinga zenye kioo bapa, ving’amuzi vya TING, vyombo vya jikoni, mashuka na zawadi nyingine kibao, watoto walio chini ya umri wa miaka 18 hawaruhusiwi kushiriki shindano hili. NA DENIS MTIMA/GPL