RT YAMPONGEZA RC MTAKA

Kwa niaba ya Shirikisho la Riadha Tanzania napenda kumpa pongezi za dhati bosi wangu Rais wa Shirikisho la Riadha Tanzania, Anthony Mtaka (pichani), kwa kazi nzuri anayoifanya katika kutimiza wajibu wake alioaminiwa na Rais wa Jamhuri ya Muungano wa Tanzania Dk. John Pombe Magufuli.

Familia ya Riadha imepata faraja kubwa pale ambapo kazi za kiongozi wao mkuu inampa Rais furaha hadi kumtaja hadharani kwamba ni Mkuu wa Mkoa bora Tanzania.

Juhudi za Mtaka hazijaishia Mkoani Simiyu pekee; Mtaka ni kiongozi wa kitaifa wa Shirikisho muhumu la michezo nchini, Shirikisho pekee ambalo limeiletea taifa sifa kubwa kwa kupeperusha bendera ya Tanzania kimataifa.

Pia Mtaka ameiletea heshima kubwa Tanzania kwa kuhamasisha Diplomasia ya Kimichezo (Sports Diplomacy) kimataifa. Matokeo ya kazi nzuri anazofanya sasa Tanzania imepewa uenyeji wa Mashindano ya Africa ya Mbio za Nyika (2020 Africa Cross Country Championships).

Mimi Mtendaji wake Mkuu kwa upande wa RT nafahamu kabisa uwezo wake katika kila jambo analokusudia, ataamka usiku wa manane, atapiga simu kushauri hadi lengo litimie.

Natoa wito kwa vijana wenzangu ambao wameaminiwa na Rais wa Jamhuri ya Muungano wa Tanzania, wawatumikie wananchi na kubuni mbinu mpya za maendeleo ya maeneo yao, hiyo ndiyo itakuwa zawadi nzuri mbele ya Mungu na mbele ya Rais.

Nawasihi viongozi chipukizi waepuke kuiga mambo ya kuonyesha hasira zao ili waonekane kwenye mitandao, haisaidii kabisa, yanaudhi sana maana wengine hata mwezi hawajatimiza tangu wateuliwe lakini ninahofu watatumbuliwa muda wowote. "Mtaka siyo Mtata" Mtaka anachapa kazi.

Wilhelm Gidabuday,
Katibu Mkuu - RT.