Kasi ya uwekezaji wa Mahenge resources kuboresha kizazi kipya

Makamu wa Rais wa Mahenge Resouces, Hekima Raymond, akimkabidhi dada mkuu wa shule ya msingi Kiwese,Ulanga ikiwa ni utratibu wa kila mwaka wa kampuni hiyo kutoa shehena ya chakula kwa shule za msingi na sekondari.

 Wanfunzi wakishangilia msaada wa chakula kutoka Mahenge Resources.

 Wazazi, walimu, wafanyakazi wa Mahenge Resouces pamoja na wanafunzi.

 Baadhi ya wanafunzi katika shule za Wilaya ya Ulanga wakiwa wamepokea cahkula kilichotolewa nakampuni ya Mahenge Resources.

 

 

NA MWANDISHI WETU

 

KUNA msemo usemao uwajibikaji wa pamoja huwezesha elimu bora kwa kizazi chetu, msemo huo unaungwa mkono na Kampuni ya uzalishaji madini ya Kinywe, Mahenge Resources, kupitia mpango wake wa kusaidia maendeleo ya jamii.

Kampuni hiyo imejizatiti kuhakikisha inasaidia jamii kufikia maendeleo ambapo inaunga mkono jitihada za wananchi na serikali katika  Wilaya ya Ulanga lengo likiwa kuboresha maisha  ya kizazi kipya.

Hivi karibuni Mahenge Resources kupitia mpango wake wa kurejesha kwa jamii ilitoa 6.3 za mahindi na tani 1.1 za maharage kwa shule za msingi na za sekondari Wilayani humo.

Akizungumza Makamu wa Rais wa kampuni ya Mahenge Resources, Hekima Raymond, anasema wanajivunia kuendelea kuwekeza kwenye maendeleo ya kizazi kijacho.

“Mahenge Resources Limited inajivunia kuwekeza kwenye maendeleo 

ya kizazi kijacho cha taifa letu. Kuboresha maisha ya watoto wa kwenye jamii 

yetu ni jambo la kipaumbele cha juu sana kwa kampuni yetu na tutalipa uzito 

mkubwa wakati wote katika utaratibu wetu wa kushiriki maendeleo ya jamii,”anasema.

 

Raymond anasema kwamba, wanatambua elimu bora ni pamoja na kuhakikisha mtoto wa Kitanzania anasoma katika mazingira bora hivyo ni juhudu za kila mmoja kupunguza changamoto ili kupata kizazi kitakachotoa viongozi na taifa bora.

“Tunatambua kwamba watoto hupata changamoto ya chakula 

hasa kipindi cha kabla ya mavuno, hivyo tunataka kuwasaidia kukabili 

changamoto hiyo kusudi wazingatie vizuri masomo yao,"anasema.

Anasema, Mahenge Resources imetoa jumla ya tani 7.4 ambazo 

thamani yake ni Sh. 8,000,000. Ikiwa ni mwaka wa nne 

mfululizo tangu Mahenge Resources ianzishe utaratibu wa kutoa chakula 

mashuleni.

Raymond, anaeleza kwamba matokeo chanya ya shughuli hiyo  yameendelea kuonekana ikiwa ni 

pamoja na ongezeko la mahudhurio ya wanafunzi darasani na kiwango chao 

cha ufaulu kwenye mitihani ya ndani na Zaidi mitihani ya taifa. 

"Mwaka huu tumeongeza kiasi cha chakula tulichogawa mashuleni, na idadi ya shule 

zilizonufaika kwa kuiongeza shule ya msingi Makanga ambayo ni shule Teule ya 

Wilaya ya Ulanga kwa ajili ya kuwahudumia wanafunzi wenye mahitaji 

maalumu,”anasema Makamu wa Rais Raymond.

Anaeleza kwmaba mbali na shughuli ya utoaji utoaji wa chakula mashuleni, Mahenge Resources imekuwa 

ikichangia maendeleo mengine kwenye jamii ikiwemo kugharamia masomo kwa wanafunzi 100 wa sekondari walio katika  familia zenye changamoto kubwa za kiuchumi.

Pia kusaidia upatikani wa maji safi na salama kwa shule zenye mazingira 

yenye changamoto, kusaidia ujenzi wa nyumba za walimu, kusaidia ujenzi wa majengo ya madarasa na madawati shuleni.

Raymond anasema wanasaidia chakula kwa wanafunzi yatima mashuleni, ukarabati wa maabara kwa masomo ya sayansi pamoja na vifaa vyake,mavazi ya michezo kwa vijana, sare maalumu za halaiki ya kizalendo kwa watoto wa Ulanga.

Anasema kwa ujumla mpaka sasa Mahenge Resources imekwishatumia zaidi ya 

Sh. milioni 110 kwa huduma mbalimbali katika utaratibu wake wa 

kusaidia maendeleo ya jamii wilayani humo.

Naye Mkuu wa Wilaya ya Ulanga, Ngollo Malenya, anaishukuru Mahenge Resources kwa kuwa bega kwa bega na wananchi.

“Tunaishukuru kampuni ya 

Mahenge Resources Limited kwa juhudi kubwa wanazofanya kuchangia 

maendeleo ya Wilaya yetu, na kwa namna maalumu ustawi wa maisha ya 

watoto wetu na vijana wetu.” 

“Sisi katika Halmashauri na Serikali kuu 

Wilayani, na kwa niaba ya wananchi wote wa Ulanga, tunajivunia sana 

ushirikiano endelevu uliopo baina yetu na kampuni hii. Tunaamini ushirikiano huu 

utadumu kwa muda mrefu kwa manufaa ya pande zote mbili ndani na nje ya 

Wilaya yetu,”anasema.

Mahenge Resources inamiliki kwa asilimia 100 mradi wa uchimbaji madini Kinywe 

(Graphite) ulioko wilayani Ulanga. 

Mradi huu unahazina ya tani milioni 212 za 

madini zenye ubora wa asilimia 7.8 kwa kipimo cha TGC. 

Pia una akiba ya tani 70 milioni zenye ubora wa asilimia 8.5 TGC, aidha, mradi huu unatarajiwa kuwa 

unazalisha tani 250,000 kwa mwaka mwa muda wa miaka 25. 

Majibu chanya ya upembuzi yakinifu yamewekwa hadharani Oktoba 2018 

na Februari 2019, na tayari leseni ya uchimbaji imetolewa na serikali ya 

Jamhuri ya Muungano wa Tanzania Februari 2019.

Kwa sasa kampuni inashughulikia taratibu uwezeshwaji wa mradi kifedha na kiuhandisi kusudi 

ujenzi wa mgodi uanze ndani ya mwaka huu 2019. 

mwisho