GF TRUCKS YAWAVUTIA WENGI SABASABA

Ofisa Masoko wa Kampuni ya GF Trucks & Equipment’s, Lukolo Juma (kushoto), akiwaelezea ubora wa mitambo ya kutengenezea barabara baadhi ya wakazi wa jiji la Dar es Salaam waliotembelea jana Maonesho ya 43 ya Biashara ya Kimataifa ‘Sabasaba’ yanayoendelea jijini Dar es Salaam. (Na Mpiga Picha Wetu).

 
Na Tatu Mohamed, Dar es Salaam

KAMPUNI ya GF Trucks & Equipment imewaomba wakandarasi na wachimbaji madini waweze kutembelea banda lao lililopo katika Maonesho ya 43 ya Biashara ya Kimataifa Dar es Salaam(DITF) maarufu kama Sabasaba ili kujionea mitambo yenye uwezo mkubwa wa kufanya kazi katika sekta hizo.

Akizungumza katika maonesho hayo yanayoendelea katika Viwanja vya Mwalimu Nyerere jijini Dar es Salaam, Ofisa Masoko wa kampuni hiyo, Lukolo Juma, alisema mitambo hiyo ina uwezo mkubwa wa kufanya kazi za uchimbaji madini pamoja na kufanya kazi za ukandarasi.

Alibainisha kuwa mitambo hiyo ipo tofauti na mingine kwani wao wanauza kwa bei nzuri lakini pia wanamhudumia mteja matengenezo pamoja na vipuli.

"Tupo kwaajili ya kuwalenga wajasiliamali mbalimbali katika sekta ya ukandarasi na uchimbaji madini. Kwahiyo tumekuja hapa sabasaba kuwaonesha mitambo hii ambayo inauwezo mkubwa wa kufanya kazi za uchimbaji wa madini na kufanya ukandarasi.