UNIQUE SISTERS WAIBUKIA SABASABA

Na Tatu Mohamed

 

WASANII  wakongwe kwenye tasnia ya muziki ambao ni ndugu wa familia moja Unique Sisters, wameibukia katika Maonyesho ya 43 ya Biashara ya Kimataifa (Sabasaba) katika banda la kampuni ya uuzaji wa vipuri vya mashine na vyombo vya moto ya Saint Parts.

Akizungumza katika maonyesho hayo, mmoja wa wasanii hao, Radhia Kipozi amesema wamekuwa kimya kwa muda mrefu sababu ya kutokuwepo nchini.

Amesema kutokana na sera ya Tanzania ya viwanda mbali na masuala ya muziki wameamua kuingia katika kampuni ya kijapani na kuwatangazia biashara zao kwa lengo la kuhakikisha Tanzania inakuwa na maendeleo zaidi.

"Nilikuwa Japani hawa watu wa Kampuni ya Saint Parts ambao ni wauzaji wa mafuta ya vyombo vya moto na vipuri wa nchini Japani wamenileta hapa ili kuja kuwa mkarimani wao katika maonyesho hayo.

"Mwaka 2017 tulitoa singo ijulikanayo kwa jina la  kwako ambayo ipo katika youtube na sasa hivi tunatarajia kuja na ujio mpya wa kazi ambayo tunaamini itaturudisha katika Game ya mziki," amesema.

Aidha amesema mashabiki wao wakae mkao wa kula kwa kupata kitu kizuri ambacho kitawatambulisha tena katika nyaja ya mziki huku wakihakikisha wanatumia bidhaa ambazo wamekuja kuzitambulisha kutoka Japani.