MABORESHO MBIO ZA BARABARANI

SHIRIKISHO la Riadha Tanzania (RT), linapenda kuwaalika Waandaji wa Mbio nchini (Race Organisers), katika kikao cha pamoja na Baraza la Michezo la Taifa (BMT), kitakachofanyika jijini Dar es Salaam.

Kikao hicho kitafanyika katika moja ya kumbi za Uwanja wa Taifa jijini Dar es Salaam, Ijumaa Novemba 29 kuanzia saa 3:00 asubuhi.

Lengo la kikao hicho, ni kujadili na kuzitafutia majawabu changamoto mbalimbali ambazo zinajitokeza kwa wingi hivi sasa katika matukio mengi ya mbio za barabarani nchini.

Kikao hicho ni muhimu waandaaji wote wa mbio nchini kuhudhuria bila kukosa, ili kuweza kufungua ukurasa mpya na chanya uendeshaji wa matukio hayo yam bio nchini.

Pia ushiriki wa kikao hicho, utatoa picha ya uhai wa waandaaji wa mbio mbalimbali nchini, hivyo kutambulika rasmi na kuingia kwenye Kalenda ya matukio ya RT 2020.

Washiriki wote watajigharamia usafiri, chakula na malazi.

Imetolewa na:

TULLO CHAMBO

MSEMAJI RT

0752 46 21 03/ 0719 277 980

25/NOVEMBA/2019