WAZIRI MWAKYEMBE AIOMBA JWTZ KUENDELEA KUWEKEZA KWENYE MICHEZO IKIWEMO GOFU

Mshindi kwa Watoto Karim Ismail akipokea zawadi ya baiskeli kutoka kwa moja ya wadhamini  Brenda Dickson wakati  wa ufungaji mashindano ya Tanapa Lugalo Open kwa mwaka 2020 katika Hafla iliyofanyika jana Lugalo Jijini Dar es Salaam.

 

Na Luteni Selemani Semunyu

Waziri wa Habari utamaduni sanaa na Michezo Dr Harrison Mwakyembe amesema Serikali itahakikisha inatafuta ufumbuzi wa changamoto wa Uhaba na Ubovu wa viwanja Vya Mchezo wa Golf hapa Nchini na kuliomba Jeshi la Ulinzi la Wananchi wa Tanzania kusaidia kukabiliana na Changamoto hiyo.

Wazirii Mwakyembe alisema hayo jana wakati akifunga mashindano ya mchezo wa gofu ya TANAPA Lugalo Open  yaliyofanyika katika Viwanja vya Jeshi la Ulinzi la Wananchi wa Tanzania vya Lugalo Jijini Dar es Salaam. 

Waziri Mwakyembe alisema mchezo wa gofu umekua na changamoto nyingi hasa ya ubovu na uchache wa miundombinu ya viwanja hivyo serikali itahakikisha changamoto hizo zinatafutiwa ufumbuzi kwa kushirikiana na wadau wa sekta ya michezo.

“Natoa rai kwa wadau mbalimbali wa michezo kuwekeza kwenye mchezo wa gofu ili kuuendeleza mchezo huo nalipongeza Jeshi la Ulinzi la Wananchi wa Tanzania imekuwa Chachu yaa Kuendleza Mchezo huu na kuvipa nguvu Vyma vya Golf kwa Kuwapa Ofisi “ Alisema Dk Mwakyembe.

Pia Waziri Mwakyembe ametoa wito kwa wadhamini wakuu wa mashindano hayo ambao ni Tanapa kuendelea kudhamini mchezo wa kwani mchezo huo unanafasi kubwa katika kuutangaza utalii wa nchi na Taifa kwa Ujumla.

Kwa upande wake Mwenyekiti wa klabu ya gofu Lugalo Brigedia Jeneral Mstaafu Michael Luwongo amemuomba Waziri Mwakyembe kupitia wizara yake kuupa kipaumbele na kuutangaza mchezo wa gofu ili Tanzania itambulike kimataifa kupitia mchezo wa huo kutokana na michezo mingi hapa nchini kutangazwa zaidi.

Nae Mwakilishi wa TANAPA Hassan Ngulume ambao wamedhamini mashindano hayo alisema  wameshukuru kwa kupata nafasi ya kudhamini Golf na kuahidi kuendelea kutoa udhamini ili kuongeza uelewa wa hifadhi kwa watalii hasa wa ndani.

Kwa upande wa matokeo ya mashindano hayo mchezaji Victor Joseph wa klabu ya Dar es salaam gymkhana ameibuka na ushindi baada  ya kupiga mikwaju 153 wakati mshindi wa jumla aliyepiga Mikwaju ya Jumla Net 142 ni Godfrey Abel.

Wakati Katika Divisheni B Mshindi ni  Fabian Magoti aliyepiga mikwaju ya Jumla 143 huku Mshindi wa Pili ni Zakaria Edward aliyepiga mikwaju ya Jumla 148 wakati Divisheni B Mshindi ni John Hiza  wa Lugalo kwa Mikwaju ya Jumla 143 akifuatiwa na  Teddy kalinga kwa Mikwaju ya Jumla 145.

Divisheni C Mshindi ni Nathaniel Ayonga wa Lugalo  Kwa Mikwaju ya Jumla 148 akifuatiwa na Laurent Sangawe  naye wa Lugalo kwa Net ya 150 huku kwa Wanawake Mshindi ni  Angel Eaton kwa mikwaju 159 bada ya kufungana mshindi kwa wanawake kwa mikwaju ya jumla 147 ni Hawa Wanyenche.

Mshindi wa wa pili kwa wanawake kwa mikwaju ya jumla 151 ni Ayne Magombe  wakati mshindi kwa wazee  ni Jin Soo Yang aliyepiga mikwaju ya jumla 151 na kufuatiwa na Dk Edmund Mdolwa  aliyepiga mikwaju ya jumla 152

Kwa upande wa watoto mshindi kwa kwanza ni Karim Ismail  aliyepiga Mikwaju ya jumla 69 akifuatiwa na Hamad Maulid aliyepiga mikwaju ya jumla 70.