ROSTAM kukabidi vifaa hospitalini

NA MWANDISHI WETU

 

KUNDI la muziki wa kizazi kipya ‘Bongo Fleva’ ROSTAM limenunua  mashine mbili za Oxygen ‘Oxygen Concentrator’ na mashuka 68 ili kukabidhi kwenye hospitali za Tanga na Morogoro.

 

ROSTAM inayoundwa na wasanii Ibrahim Mussa ‘Roma’ na Bonivanture Kabongo walianzisha kampeni ya kuchangisha mashabiki wao fedha ili kununua vifaa vya hivyo kupitia  wimbo wao waliouachia hivi karibuni ‘Kaka Tuchat’.

 

Akizungmza kuhusiana na suala hilo Roma alisema wanawashukuru mashabiki wao  na wote walioupenda wimbo wa ‘Kaka Tuchat’ kwa kuungana nao kufanikisha jambo hilo.

 

“Siku zote waza na tamani kuwa Jua na Mwezi, ili ukishindwa uangukie kwenye nyota, tumefanikiwa kufanya malipo kwenye Bohari ya Madawa (MSD) na kununua mashine za Oxygen mbili na mashuka 68.

 

“Kuanzia Julai mosi tutaenda kuyakabidhi kwenye hospitali ambazo tumependekeza moja iwe morogoro alipozaliwa na anapotoka Stamina na nyingine iwe Tanga alipozaliwa Roma,” alisema Roma.