CCM KUZINDUA RASMI KAMPENI ZAKE LEO, YAAHIDI KUFANYA MAKUBWA

Chama cha Mapinduzi (CCM) leo Agosti 29,2020 kinazindua kampeni zake kwa kishindo ndani ya jiji la Dodoma, na kuahidi kufanya vitu vikubwa na kuweka historia.

Uzinduzo huo wa kampeni utafanyika katika Uwanja wa Jamhuri na utaongozwa na Mwenyekiti wake Dk. John Magufuli.

Tayari maandalizi ya uzinduzi huo yamekamilika na imeelezwa kuwa ratiba zitaanza rasmi saa moja asubuhi hadi 12 jioni ya leo.

Uzinduzi huo unatarajiwa kuanza kupambwa na baadhi ya wasanii mbalimbali akiongozwa na Nassibu Abdul alimaarufu kwa jina la Diamond Platinumz na Ali Salehe Kiba( Alikiba) kutoka nchini na kupamba na vibao vyao vya nyimbo za CCM.

Akizungumza leo baada ya kukamilika kwa maandalizi hayo, Katibu wa Itikadi na Ueneza CCM ,Humphrey Polepole
Polepole amesema baada ya kuaanza kwa wasanii hao kutoa burudani kuanzia saa moja mchana Rais John Magufuli atapanda jukwaani na kuwa tayari kuzungumza na wanaccm waliopo nchini na ulimwenguni.