KIHONGOSI KATIBU MKUU MPYA UVCCM

 Na Jasmine Shamwepu, Dodoma

KAMATI Kuu ya Halmashauri Kuu ya Chama Cha Mapinduzi (CC) Taifa, imemteua, Kenan Kihongosi kuwa Katibu Mkuu wa Umoja wa Vijana kufuatia aliyekuwa Katibu Mkuu wa Umoja huo, Raymond Mwangwala kuteuliwa kuwa Mkuu wa Wilaya ya Ngorongoro huku ikimteua  Sheha Mpemba Faki  kugombea Ubunge Jimbo la Konde Mkoa wa Kaskazini Pemba Wilaya ya Micheweni Zanzibar kufuatia kifo Cha aliyekuwa Mbunge wa Jimbo hilo Khatib Said Haji kufariki Dunia.


Uchaguzi huo wa Ubunge Visiwani Zanzibar  unatarajiwa kufanyika mwezi Julai Mwaka huu.
 
Hayo yameelezwa hii leo Jijini Dodoma na Katibu wa Itikadi na Uenezi, Shaka Hamdu Shaka wakati alipokuwa akizungumza na waandishi wa habari kuhusiana na kikao cha Kamati Kuu ya Halmashauri kuu ya CCM iliyoketi leo chini ya Mwenyekiti wake Rais Samia Suluhu Hassan.

Aidha pamoja na mambo mengine Kamati kuu hiyo imempongeza Rais Samia Suluhu Hassan kwa utendaji kazi wake mzuri ikiwa ni pamoja na kuteua viongozi ngazi ya ukuu wa wilaya kwa kuzingatia Nyanja zote ikiwa ni pamoja na kuwapongeza   Wabunge wote kwa kazi kubwa ya kupitisha bajeti ya Serikali kwa kishindo kwani imegusa maeneo yote muhimu kutokana na vipaumbele vyake.