Warembo 16 kushiriki Fainali Miss Tanzania Eastern Zone, 2021

 Mkurugenzi Mkuu wa Kampuni ya Tips Forum, Nancy Matta akizungumza na wanahabari leo jijini Dar es Salaam kuhusu Mashindano ya Miss Tanzania Eastern Zone yatakayofanyika mkoani Morogoro Septemba mwaka huu.

 

Hussein Ndubikile, Dar es Salaam

Warembo 16 wanatarajiwa kushiriki Fainali ya Mashindano ya Urembo ya Kanda ya Mashariki  'Miss Tanzania Eastern Zone' yatakayofanyika katika Hoteli ya Morena mkoani Morogoro Septemba 24 mwaka huu.

Hayo yasememwa leo jijini Dar es Salaam na Mkurugenzi wa Kampuni ya  Tips Forum ambao ndio waandaaji wa mashindano hayo ambaye pia ni Miss Mbeya Mwaka 2018/19, Mhandisi Nancy Matta wakati akitoa taarifa ya mwelekeo kuelekea fainali hiyo.

Amesema kuwa tayari maandalizi ya mashindano hayo yameshakamilika na warembo kutoka mikoa ya Lindi, Pwani, Morogoro na  Mtwara wamesharipoti kambi ya Dynasty Hotel Beach na kwamba wakiwa hapo watapatiwa huduma ya malazi na mazoezi kutoka kwa walimu.

" Miss Tanzania Kanda ya Mashariki jana wameripoti kambini tayari wakiwa hapa watapatiwa malazi na mazoezi tunaamini washindi watawakilisha vyema katika Mashindano ya Miss Tanzania ambapo mshindi ataiwakilisha katika mashindano ya dunia ya urembo," amesema mhandisi Nancy.

Amebainisha kuwa lengo kuandaa mashindano hayo kuendelea kuunga mkono Serikali juhudi za kutangaza utalii wa ndani na nje hivyo anaamini warembo hao watakuwa mabalozi wa kutangaza vivutio vya utalii watakavvyovitembelea.

Amesisitiza kuwa mshind wa kwanza atapata kitita cha fedha taslimu Sh Milioni 2, wa pili Sh mil 1.5 na wa tatu atazawadiwa Sh mil moja huku washiriki waliobaki watapatiwa kila mmoja Shilingi laki moja.

Kwa upande wake, Mwakiishi kutoka Chaneli ya Safari ambao ndio wadhamini wakuu wa mashaindano hayo, Magreth amesema wamefarijika kuyadhamini huku akibainisha yatakuwa chachu ya kutangaza utalii wa nchi.

Nae, Mwakilishi kutoka Bodi ya Utalii Nchini (TTB), Maria Mafie amefafanua kuwa warembo hao watapata fursa kutembelea Mbuga za Saadan na Nyerere hivyo mshindi atakuwa balozi wa kutangaza utalii wa nchi kwani wana malengo ya kuongeza idadi ya watalii kuongeza mapato.

Meneja Masoko wa Dynasty, Niwako Charles amesema wamefurahi kuwa wadhamini wa Miss Kanda ya Mashariki na kwamba wana jukumu la kutoa malazi kwa warembo huku akiwakaribisha kufika hapo kujionea mazoezi yao.

Meneja Mauzo wa Hoteli ya Serena, Shaban Kaluse amesema wameamua kuunga mkono mashindano hayo kuhamasisha utalii wa ndani na nje kwani mshindi ataiwakilisha nchi katika mashindano ya dunia.

Mlezi/Mwalimu wa Warembo hao, Evangelina Peter amemshukuru mkurugenzi wa kampuni hiyo kwa kumwamini kuwa mlezi  hivyo anaamini mshindi atawaiaklisha nchi vyema endapo atashinda taji la Miss Tanzania.

Wadhamini wengine ni Sumala Sports Morogoro, Kiwanda cha Ngozi, Dizzim FM, It's all Cards na Hoteli ya Art.