Mbunge Koka kuboresha sekta ya elimu na afya kwa wakazi wa Mbwawa

 Mbunge wa Kibaha mjini Silvestry Koka akizungumza  na wananchi wa kata ya Mbwawa.

 

NA VICTOR MASANGU, KIBAHA

Mbunge wa Jimbo la Kibaha mjini Silvestry Koka ameahidi kuboresha sekta ya afya kwa wananchi wa kata ya Mbwawa kwa kuweka mipango ya kutenga eneo maalumu kwa ajili ya ujenzi wa kituo Cha afya.

Koka ameyasema hayo wakati wa ziara yake ya kikazi katika mkutano wa adhara kwa wananchi wa kata ya Mbwawa iliyofanyika katika viwanja vya shule ya msingi Mbwawa na kuhudhuliwa na viongozi mbali mbali wa Chama pamoja na wakuu wa taasisi mbali mbali.

Katika mkutano huo Mbunge huyo ambaye pia aliambatana na viongozi wa Chama alisema kwamba anatambua umuhimu wa afya hivyo atahakikisha anashirikiana bega kwa bega na Ofisi ya mkurugenzi wa halmashauri ya mji ili kuanza utekelezaji wa mradi wa kituo Cha afya.

Pia alisema kuwa anatambua katika kata ya Mbwawa kunahitajika ujenzi wa kituo Cha afya ili wananchi waondokane kabisa na adha ya kutembea umbari mrefu kwa ajili ya kufuata huduma maeneo ya mbali.

"Nipo katika ziara yangu ya kikazi yenye lengo la kusikiliza changamoto mbali mbali ambazo zinawakabili wananchi ili tuweze kuzifanyia kazi hivyo nimeanza na wananchi wa kata ya Mbwawa kuwasikiliza,"alisema Koka.

kadhalika aliongeza kwamba serikali ya awamu ya sita lengo lake kubwa no kuboresha sekta ya afya kwa wananchi hivyo kwa upande wake atahakikisha analisimamia kwa nguvu zote ili wananchi wapate huduma ya matibabu bila usumbufu.

Katika hatua nyingine aliwahakikishia wananchi wa Mbwawa kuimarisha Hali ya ulinzi na usalama kwa kuwajengea kituo Cha polisi ili kuondokana kabisa na wimbi la uharibu.

Pia alisema ataendelea kuimarisha sekta ya elimu kwa kutenga eneo maalumu kwa ajili ya ujenzi wa shule ya Sekondari kwa kidato Cha tano na sita.

Akizungumzia changamoto ya upatikanaji wa maji alisema kwa Sasa bado Kuna mradi ambao unaendeleaa kutekelezwa lengo ikiwa ni kumtua ndoo ya maji mama kichwani.

Kwa upande wake Diwani wa kata ya Mbwawa Judidhi Mloge amemshukuru Mbunge Koka kwa kutekeleza ilani ya Chama Cha mapinduzi (CCM) kwa vitendo na kumuomba ujenzi wa kituo Cha afya na ujenzi wa sekondari ya kidato Cha tano na sita.