Ujenzi wa daraja la mto wami kukamilika Novemba 2022- Waziri Mbarawa

 

Waziri wa ujenzi na Uchukuzi Profesa Makame Mbarawa akingumza Jambo wakati alipofanya ziara yake ya ya kikazi katika mradi wa ujenzi wa daraja la mto wami ambapo kwa Sasa umefikia asilimia 61.

 

 

Na Victor Masangu, Bagamoyo  

WAZIRI wa Ujenzi na Uchukuzi Profesa Makame Mbarawa amesema kwamba mradi mkubwa wa kimkakati wa ujenzi wa daraja kubwa  la mto wami unatarajiwa kukamilika novemba mwaka 2022.

Waziri huyo pia  amemuagiza Mkandarasi anayejenga daraja hilo katika mto  Wami kuhakikisha anaongeza Kasi kwa kuweka mipango ya  kufanya kazi masaa 24 ili kukamilisha kazi ya ujenzi huo kwa muda uliopangwa.

Profesa Mbarawa ametoa  agizo hilo  wakati alipofanya ziara yake ya kikazi ya siku moja yenye lengo la  kukagua maendeleo ya ujenzi  daraja hilo ambalo kutakuwa ni mkombozi mkubwa kwa wasafiri na wafanyabiashara.  

AIdha aliongea kwamba ujenzi wa daraja hilo ambalo ujenzi wake ulianza Otoba 2018 matatarajio ilikua kukamilika mwezi Septemba 2021 limechelewa kutokana na changamoto mbalimbali ikiwemo uwepo wa mvua na ugonjwa wa UVIKO 19

Alimsisitiza Mkandarasi pia Kujenga daraja hilo kwa ubora unaotakiwa ili lidumu kwa muda mrefu na kuhakikisha ifikapo Novemba 2022 ujenzi uwe umekamilika.

Waziri Mbarawa alisema daraja la awali lenye urefu wa mita 88.75 lilijengwa mwaka 1959 na kwassa lina uwezo mdogo wa kupitisha magari yanayoenda mikoa ya kaskazini na nchi za jirani kutokana na ongezeko la magari.

Kwa upande wake Meneja wa Wakala wa barabara Mkoa wa Pwani (TANROADS) Mhandisi Andrea Kasamwa alisema daraja hilo hadi kukamilika litatumia kiasi cha Shilingi Bilion .72.

Mhandisi Kasamwa amesema kuwa daraja hilo jipya litakuwa na urefu wa mita 510 na upana wa mita 11.85 linajengwa umbali wa mita 670 pembeni ya daraja la zamani

Aidha alisema tayari Mkandarasi amewasilisha sababu za kimkataba nyongeza ya muda wa Ujenzi kufika mwezi Novemba 2022.

Alisema  kazi hiyo ya ujenzi inasimamiwa na makampuni mawili ya Ilshin ya Korea na Advanced Engineering  Solution ya Tanzania.

Kasamwa aliongeza kuwa  maendeleo ya mradi huo hadi Hadi kufikia Sasa tayari yamekamilika kwa kiasi Cha   asilimia 61.4.