Parokia ya MT. Toma Mtume - Muungano yaadhimisha miaka 50 ya WAWATA

  

Paroko wa Parokia ya Mtakatifu Toma Mtume - Muungano, George Sai, akipanda mti ili kutunza mazingira iliyoambatana na uzinduzi wa Jubilei ya miaka 50 ya WAWATA iliyofanyika kanisani hapo jijini Dar es Salaam. Kulia ni Msaidizi wa Paroko, Gabriel Kpohihin.

Paroko wa Parokia ya Mtakatifu Toma Mtume - Muungano, George Sai, (kulia) akilishwa keki wakati wa uzinduzi wa Jubilei ya miaka 50 ya WAWATA iliyofanyika kanisani hapo jijini Dar es Salaam.

Mashangwena wakifungua fataki za maua  kusherekea miaka  50 ya WAWATA.

 

Uzinduzi wa huo ulianza na ibada ya Misa takatifu ya miaka 50 ya WAWATA iliyoongozwa na Paroko wa Parokia ya Mtakatifu - Toma Mtume Muungamo  Padri George Sai  akisaidiwa na Padri Gabriel Kpohihin

Akiendesha ibada hiyo ya Shukrani BabavParoko Sai aliwataka Wanawake Wakatoliki wa Parokia hiyo walio na umri wa miaka 35 na kuendelea kujiunga na kulitumikia kanisa Kwa Upendo  bila kuchoka ,kama Kauli mbiu  ya WAWATA inayosema "Kwa Upendo wa Kristo Tumtumikie na Kuwajibika."

Chama cha kitume cha Wanawake Wakatoliki Tanzania(WAWATA) kilianzishwa mwaka 1972 na mwaka huu kinatimiza miaka 50

Katika uzinduzi huo Wanawake hao walifundishwa mambo mbalimbali ikiwemo mada ya Afya ya Akili iliyowasilishwa na Dkt. Esther Stephen kutoka  Chuo Kikuu cha Afya na Sanyansi Shirikishi cha Muhimbili na Bi zitta Mnyanyi aliyewasilisha mada kuhusu Wito na Dhamana ya Wanamke katika   Maisha na Utume wa  Kanisa