TEMBO WORRIES KAZI INAENDELEA UTURUKI

Na John Marwa

Timu ya Taifa ya Soka kwa watu wenye ulemavu Tembo Worries leo itashuka tena dimbani katika mchezo wa pili hatua ya makundi Fainali za Kombe la Dunia zinazofanyika nchini Uturuki.

Ni mchezo wa pili kwa Tembo Worries leo dhidi ya Poland baada ya jana kutoka suluhu dhidi ya Hispania.

Tembo Worries wanahitaji kupata ushindi leo ili kuiweka hai nafasi ya kusonga mbele kabla ya mchezo wao wa mwisho wa hatua ya makundi hapo kesho.

Kama Tembo leo wataibuka na ushindi watafikisha alama nne huku wakisaliwa na mchezo mmoja mkononi hapo kesho dhidi ya Uzbekistan.

Ikumbukwe kuwa hii ni mara ya kwanza kwa Tanzania kuwashiriki Fainali hizo za Kombe la Dunia kwa watu wenye ulemavu.