KESI YA OSCAR PISTORIUS KUANZA JUNI 4

Oscar Pistorius akiwa mahakamani

JO’BURG, Afrika Kusini

Pistorius alilipa dhamana ya dola 113,0000, ikiwa ni pamoja na kukabidhi pasi yake ya kusafiria, kutakiwa kutoingia katika nyumba yake iliyofanyikia mauaji jijini Pretoria na kuripoti kituo kikuu cha polisi kila siku za Jumatatu na Ijumaa

KESI ya mauajia inayomkabili bingwa wa mbio za walemavu ‘Paralimpiki’, Oscar Pistorius – inatarajiwa kuanza kusikilizwa Juni 4 na sasa ataendelea kuwa nje kwa dhamana aliyopata juzi Ijumaa.

Pistorius aliachiwa juzi kwa dhamana, baada ya mahakama jijini Pretoria kuhakikishiwa kuwa nyota huyo hawezi kukimbia, wala kufanya kitendo cha kihalifu na kwamba apewe dhamana ili ajipange kukabiliana na mashtaka.

Tayari Pistorius, 26, alishayakana mashitaka ya kuua kwa kukusudia, akisema alimpiga risasi mpenziwe Reeva Steenkamp, 29, kwa bahati mbaya, baada ya kuhisi likuwa amelala wakati alipokuwa akishambulia mlango wa bafu kwa risasi.

Pistorius alitumia jumla ya siku nane akiwa kuzuizini jijini Pretoria, tangu alipokamatwa na kuwekwa ndani Februari 14 (Siku ya Wapendanao) aliyofanya tukio – hadi juzi Ijumaa alipodhaminiwa.

Baada ya dhamana yake Ijumaa, Pistorius aliondoka mahakamani hapo akiwa ndani ya gari maalum la rangi ya Silva, huku akifuatwa na wapiga picha za video na mnato kutoka vyombo mbalimbali vya habari duniani.

Mwanamichezo huyo kipenzi cha wengi, hakuelekea nyumbani, badala yake alipelekwa nyumbani kwa mjomba wake – ingawa ni katika jiji hilo hilo la Pretoria.

Ripoti zinasema kuwa, huenda Pistirius akaanza rasmi mazoezi baada ya kurejea uraiani, ikiwamo kuzungumza kwa mara ya kwanza na mkufunzi wake, ingawa awali wakala wake alitangaza kufuta ratiba yote ya mwanariadha.

Hakimu Desmond Nair alikubali opmbi la dhamana ya Pistorius kutoka kwa wanasheria wanaomtetea, ambapo alidhaminiwa kwa kiasi cha pauni 74,000 (sawa na dola 113,000).

Pistorius aliamuriwa sambamba na dhamana hiyo, kukabidhi pasi yake ya kusafiria, kutoingia katika nyumba yake iliyofanyikia mauaji jijini Pretoria na kuripoti kituo kikuu cha polisi mara mbili kwa wiki katika siku za Jumatatu na Ijumaa.

BBC