'JAMBO JAMBO' YA STEVE RnB YAFANYA KWELI

Na Elizabeth John

WAKATI singo yake ya ‘Jambo Jambo’ ikiendelea kufanya vizuri katika vituo mbalimbali vya redio, mkali wa muziki wa bongo fleva, ‘Steve RnB’ amewashukuru mashabiki wake kwa kuipokea vema kazi hiyo.

Mbali na kazi hiyo, Steve RnB alishawahi kutamba na kibao chake cha ‘Radio’ ambacho alimshirikisha mkali wa muziki huo, Omary Faraji ‘Ommy Dimpoz’.

Akizungumza jijini Dar es Salaam hivi karibuni, mkali huyo alisema yupo katika hatua za mwisho za uandaaji wa kibao chake kinachokuja kwa jina la ‘Its All About Music’ ili kuendelea kuwapa raha mashabiki wake ambao wamekuwa wakimuunga mkono.

Alisema anayo matumaini makubwa ya wimbo huo kufanya vema katika medani ya muziki wa bongo fleva kama ilivyokuwa kwenye nyimbo zake zilizotangulia.

“Nawashukuru mashabiki kwa kuniunga mkono kwenye kazi zangu, sina cha kuwalipa zaidi ya kuwatayarishia kazi nzuri zaidi ambazo zitawaburudisha na kuwapa mafunzo ndani yake,” alisema.