BEN POL AMPA SAPOTI SAJNA

Na Elizabeth John

BAADA ya kukaa kimya kwa muda mrefu, mkali wa muziki wa kizazi kipya nchini, Sajna ameachia ngoma yake mpya inayokwenda kwa jina la ‘Ningekuwa single’ ambacho kimeanza kufanya vizuri katika vituo mbalimbali vya redio.

Kabla kuachia kibao hicho, Sajna alishawahi kutamba na ngoma yake inayokwenda kwa jina la ‘Iveta’ ambayo ilimtambulisha na kufanya vizuri katika soko la muziki huo.

Akizungumza jijini Dar es Salaam, Sajna alisema katika ngoma hiyo, itasikika sauti ya mkali wa muziki wa RnB nchini, Ben Pol, na msanii chipukizi C Sir Madini.

“Naamini uwepo wa wasanii hao utanisaidie kufanya vizuri katika ngoma hiyo, kila shabiki ana mapenzi na msanii anayemtaka yeye hivyo naamini kufuatia uwepo wapo nitajizolea mashabiki lukuki kupitia kazi hii,” alisema.

Mkali huyo anawaomba wapenzi wake wakae mkao wa kula kwaajili ya kuipokea video ya kazi hiyo ambayo anatarajia kuiachia katika ya mwezi huu.