JUX AIBUKA NA 'UZURI WAKO'

Na Elizabeth John

MKALI wa muziki wa kizazi kipya nchini, Juma Mussa ‘Jux’ ameachia ngoma yake mpya inayokwenda kwa jina la ‘Uzuri wako’ ambayo imeanza kufanya vizuri katika vituo mbalimbali vya redio.

Akizungumza jijini Dar es Salaam, Jux alisema anaomba mashabiki wake wakae mkao wa kula kwaajili ya kuipokea kazi hiyo ambayo anaamini itafanya vizuri kutokana na mazingira ambayo ameyatumia kurekodi kazi hiyo.

“Naomba mashabiki wangu wakae mkao wa kula kwaajili ya akazi hiyo ambayo inaujumbe mzito kwa jamii hasa vijana ambao hawajielewi wanafanya nini katika ulimwengu huu,” alisema Jux.

Mbali na hilo, Jux aliwaasa wasanii wanaotafuta umaarufu kwa kutengeneza skendo au bifu kwamba hazikuzi muziki wao wala kuwaongezea mafanikio kupitia vyombo vya habari.

“Wasaniii hapa nchini wana kila sababu ya kuziogopa skendo za kutengeneza wao wenyewe au zile za kubainika bila wao kujua kwani haziuzi bali zinampotezea msanii umaarufu na heshima yake kwa jamii nzima inayomzunguka,” alisema.