WAFANYABIASHARA WALALAMIKIA ZOEZI LA KUWAKAMATA KATIKA MAENEO YAO

BAADHI ya wafanyabiashara wilayani Ilala jijini Dar es Salaam wamemuomba Mkuu wa Mkoa huo Said Meck Sadik (pichani) kuchunguza kama utaratibu wa faini wanazotozwa na polisi wa Kituo cha Msimbazi zinazingatia sheria.

Wakizungumza kwaa nyakati tofauti jijini wafanyabiashara hao, wa maduka ya simu, vitafunwa na Wamachinga, walisema kuna viashiria kuwa wamegeuzwa na kuwa mtaji wa polisi hao.

Mmoja wa Wafanyabiashara aliyejitambulisha kwa jina moja la Makwambe ambaye anaduka la simu Kariakoo, alisema wanamuomba mkuu huyo wa mkoa afanye hivyo kwasababu faini zinazotozwa zimekuwa za majadiliano zaidi bila ya kuwa na kiwango maalumu kinachotambulika kisheria.

“Kwa mfano sisi wenye maduka ya simu tukikamatwa tunatakiwa kutoa faini sh 150,000 hata hivyo, tunapinga, na tunawataka watufikishe mahakamani, baadala yakuazisha majadiliano ili kila mmoja wetu atowe kiasi chochote ambacho tunamini hakiendi serikalini,”alisema Makwambe.

Makwambe, alidai kuwa hata sitakabadhi zenyewe zinazotolewa wanazitilia shaka kama kweli ni halali, kwani hazigongwi mhuri wa serikali.

James John, alisema alikamtwa juzi Jumapili akiwa anafanya biashara ya kutembeza nguo ambapo alitakiwa kulipa faini sh 50,000 lakini cha kushangaza baada ya kushindwa kulipa aliambiwa atowe 25,000 ambayo aliwapa na kupewa stakabadhi ambayo haikugongwa mhuri.

“Wale polisi hawako tayari kukupeleka Mahakamani bali wanachotaka ni hela na ndio maana wakitukamata wanatuambia mwenye sh 10,000, 15,000 au 20,000 haya unganisheneni fasta kiukweli wanakusanya hela nyingi kwasababu wanaokamatwa kila siku hawapungui 300,  fika pale mwenyewe utajionea kwani  ule ni mradi wa wajanja ,”alisema.

John, alisema inapotokea kama kuna walioshindwa kutoa kiwango chochote walichotakiwa inapofika wakati wa kuingia giza wanaachiwa bila ya kufikishwa mahakamani, wakionywa na polisi hao kuwa wasirudie tena baadala ya kuwapeleka mahakamani.

Fatime Alwaye, alisema polisi hao hawako tayari kuwafikisha mahakamani kwa sababu mara nyingi wanapofika kule hawana ushahidi baada kuviuza ama kuvila vitafunwa vyao.

Alisema kutokana na mazingira hayo, wanaona ni bora wamalizane kwa njia hizo za kuchukuwa fedha kidogo ili wamuachie mhusika.

Fatime, alisema wanapinga utaratibu huo, na kwamba wakibainika wana makosa basi wafikishwe mahakamani ambako wanaamini haki itapatikana ikiwa ni pamoja na kurudishiwa bidhaa zao.

“Hivi sasa wakitukamata hawataki kuorodhesha mali zetu wanaondoka nazo pamoja na vitendea kazi ambayo tumetumia gharama kubwa kuvinunua, tunaomba tuwe tunarudishiwa vitu vyetu sio wakaviuze bila kufuata sheria,”alisema Fatime

Aidha, Fatuma, aliahidi kuwa leo atampelekea mwandishi sitakabadhi ambazo anadai kuwa si za serikali bali za kifisadi.