DIMPOZ AFUNGUKA KUHUSU PARTY YA 'ZARI ALL WHITE PARTY'

NA ELIZABETH JOHN

NYOTA wa muziki wa kizazi kipya nchini, Omary Nyembo 'Ommy Dimpoz' amesema kuwa hakuweza kuhudhuria kwenye ‘Zari All White Party’, kwa sababu hakualikwa.

'Party' hiyo ambayo ilifanyika Ijumaa iliyopita, iliandaliwa na mfalme wa muziki wa kizazi kipya nchini Naseeb Abdul 'diamond Platinumz' ambaye ni rafiki wa Dimpoz.

Akihojiwa na Redio 5 ya jijini Arusha, Dimpoz alisema kuwa, kunyimwa mwaliko wa kuhudhuria 'party' hiyo hakumaanishi kuwa ana tatizo na Diamond.

“I am not invited', sina tatizo na Diamond, hajawahi kunikosea, kikubwa ni kwamba amekuwa ni mfano kwa wasanii wachanga kwasababu hata mimi nimemkuta kwenye muziki na ni mmoja wa wanamuziki ambao walikuwa wananivuta hata mimi kuwa achana na mambo ya bendi na kuwa 'solo artist," alisema.

Dimpoz kwasasa anatamba na ngoma yake ya 'Wanjera' ambayo imeanza kufanya vizuri Kimataifa.