KAJALA AMPA MATUMAINI WEMA

NA ELIZABETH JOHN

MSANII wa filamu za Bongo, Kajala Masanja, amempa matumaini msanii mwenzie ambaye alikuwa rafiki yake wa karibu, Wema Sepetu kwamba bado ni binti mdogo na asikate tamaa kwamba hatapa tena mtoto.

Kauli hiyo ya Kajala imekuja siku chache baada ya Wema kuweka wazi kwamba daktari amemwambia hana uwezo wa kupata mtoto kitu ambacho kinamuumiza sana.

Akizungumza jijini Dar es Salaam, Kajala alisema kuwa, licha ya daktari kumthibitishia hivyo bado anauwezo wa kuendelea kutafuta madaktari ambao wanauwezo wa kumtibu tatizo alilonalo.

"Wema bado binti mdogo, kama kweli ana nia ya kupata mtoto azidi kuhangaika kwa madakaktari bingwa, kuna watu wanaishi ndani ya ndoa miaka mingi bila mtoto lakini badae wanapata kikubwa asikate tamaa," alisema.

Kajala aliwataka wapenzi wa kazi zake kumpokea katika ujio wa filamu yake mpya inayojulikana kwa jina la 'Pishu' ambayo imeingia sokoni hivi karibuni.