NYALANDU ATANGAZA NIA KUGOMBEA URAIS

Waziri wa Maliasili na Utalii, Lazaro Nyalandu akizungumza na wananchi mkoani Singida baada ya kutangaza nia ya kugombea nafasi ya urais kwenye Uwanja wa Namfua leo. (Picha na Loveness Bernard)

Umati wa watu ukimsikiliza Waziri wa Maliasili na Utalii, Lazaro Nyalandu baada ya kutangaza nia ya kugombea nafasi ya urais kwenye Uwanja wa Namfua mkoani Singida leo. (Picha na Loveness Bernard)

 Waziri wa Maliasili na Utalii, Lazaro Nyalandu (kushoto) akiwa na mkewe Faraja kabla ya kuzungumza na wananchi mkoani Singida wakati wa kutangaza nia.

xxxxxxxxxxxxxxxxxxxxxxxxxx

 

Waziri wa Maliasili na Utalii, Lazaro Nyalandu alitangaza nia ya kuomba kuteuliwa na CCM kuwania urais katika sherehe zilizofanyika leo kwenye Uwanja wa Namfua mkoani Singida.

Nyalandu alisema endapo atafanikiwa kuwa Rais, amedhamiria kuwekeza zaidi kwenye rasilimali watu, ikiwemo kuliwezesha kundi kubwa la vijana ambalo katika siku za hivi karibuni linaitwa bomu linalosubiri kulipuka wakati wowote.

“Vijana si bomu ila kikubwa zaidi ni lazima tuweke mazingira bora ya kuwawezesha watumie fursa zilizopo kufanya shughuli za kuwaingizia vipato, tusipofanya hivyo hatutaweza kupiga hatua,” alisema.

Nyalandu alisema pia hataisahau sekta ya kilimo, afya, elimu na miundombinu kwakuwa maendeleo hayo ndiyo yatachochea ukuaji wa uchumi wa taifa na mtu mmoja mmoja.

Alisema serikali atakayoiongoza akiingia madarakani itaendeleza mazuri yote yaliyopatikana kutoka kwa utawala wa serikali ya awamu ya nne.

Nyalandu pia alikemea tabia iliyoanza kujitokeza kwa baadhi ya wanaosaka nafasi ya kuteuliwa na CCM kuwania urais kuwarushia vijembe wenzao, kwamba havina faida kwa chama na taifa.

Alisema akiingia madarakani ataendeleza pale rais aliyepo madarakani atakakoachia.