Wajasiriamali 2,600 Afrika washiriki Kongamano la QNET

 Ofisa Mtendaji Mkuu wa QNET, Malou Calouza (wa kwanza kushoto), na maofisa wa serikali ya Malaysia wakikata utepe kuzindua rasmi kongamano la V-Convetion lililofanyika mjini Penang, Malaysia hivi karibuni. Wengine ni wajumbe wa Bodi wa QNET. (Na Mpiga Picha Wetu).

NA MWANDISHI WETU

WAJASIRIAMALI 2,600 kutoka nchi mbalimbali barani Afrika, ni miongoni mwa washiriki 13,000 wa Kongamano la Kimataifa la siku tano lililoratibiwa na Kampuni maarufu ya kimataifa ya mauzo ya moja kwa moja, yenye asili ya Asia, QNET.

Kongamano hilo linalotambulika kama V-Convention, limefanyika Kisiwa cha Penang, nchini Malaysia likijumuisha mfululizo wa programu za mafunzo, hotuba za uhamasishaji, kutambulisha bidhaa mpya za mtindo wa maisha wa QNET na matukio ya burudani. 

Kivutio kikubwa mwaka huu ni QNET Carnival ambayo ilionyesha zaidi ya nembo au lebo 30 za bidhaa za QNET, katika moja ya maonyesho makubwa kuwahi kufanywa na kampuni hiyo inayotoa huduma pia nchini Tanzania. 

Kongamano hilo ambalo hufanywa mara mbili kwa mwaka, ni tukio la kipekee ambalo huleta pamoja wateja na wasambazaji wa QNET kutoka maeneo mbalimbali duniani, washirika wake wa kibiashara, na pia maofisa wa serikali ili kujionea bidhaa na huduma za QNET na kuelewa vyema biashara yake.  

Ofisa Mtendaji Mkuu Mteule wa QNET, Malou Caluza, alisema: "Matukio kama haya ya Kongamano la V-Convention, hutupa fursa ya kuwahudumia wasambazaji wetu na kuwapa fursa ya kuona na kushuhudia mtindo wa Kuishi Kikamilifu (Absolute Living) ambao inaongoza biashara yetu.

“Vile vile V-Convention ni jukwaa bora la kusherehekea ari ya ujasiriamali ambayo kampuni ya mauzo ya moja kwa moja kama QNET inachochea kwa mamilioni ya watu duniani kote, kuwasaidia kuboresha maisha yao na kuchangia katika jamii," alisisitiza Caluza.

Bidhaa mpya zilizozinduliwa mwaka huu ni pamoja na virutubisho vipya kwa ajili ya afya ya wanaume vinavyoitwa QAlive, huku moja kati ya dondoo zilizoteka hisia za watu, ikiwa ni sherehe za mahafali ya wateja ambao wamekamilisha kozi zao kwa njia ya mtandao kupitia qLean.

QNET, inauza reja reja bidhaa mbalimbali za afya na ustawi, huduma binafsi na urembo, sikukuu, utunzaji wa nyumba na kozi kwa njia ya mtandao, ikiwa pia ni miongoni mwa makampuni 100 makubwa na imara ya MLM  (Solid Top MLM Companies) kwa mwaka 2018.