PROF. NDALICHAKO AZINDUA MABARAZA YA UJUZI YA KISEKTA

Mshauri Mwelekezi, Nicholas Mbwanji, akitoa mada wakati wa uzinduzi wa Mabaraza ya Ujuzi ya Kisekta uliofanyika leo jijini Dar es Salaam.

 Baadhi ya washiriki wakifuatilia uzinduzi huo.

 Mwenyekiti wa Taasisi Sekta Binafsi Tanzania (TPSF),  Salum Shamte, akitoa hotuba ya utangulizi kabla ya kumkaribisha Waziri wa Elimu, Sayansi na Teknolojia, Prof. Joyce Ndalichako, kufungua rasmi Mabaraza ya Ujuzi ya Kisekta.

 Washiriki.

Waziri wa Elimu, Sayansi na Teknolojia, Prof. Joyce Ndalichako, akitoa hotuba yake wakati wa uzinduzi wa uzinduzi wa Mabaraza ya Ujuzi ya Kisekta uliofanyika leo katika Ukumbi wa Kimataifa wa Mwalimu Nyerere jijini Dar es Salaam.

Waziri wa Elimu, Sayansi na Teknolojia, Prof. Joyce Ndalichako, akitoa hotuba yake.

 Baadhi ya washiriki.

 Washirika wa maendeleo wakiwa katika uziduzi huo.

 Mwenyenyekiti wa Sekta Binafsi Tanzania (TPSF), Sulum Shamte, akimpongeza Waziri wa Elimu, Sayansi na Teknolojia, Prof. Joyce Ndalichako, baada ya kutoa hotuba yake.

 Washirika wa maendeleo wakifuatilia mkutano huo.

 Mwakilishi wa Sekta ya Kilimo, akitoa neno la shukrani.

Waziri wa Elimu, Sayansi na Teknolojia, Prof. Joyce Ndalichako, akikata utepe sambamba na Mwenyekiti wa Taasisi Sekta Binafsi Tanzania (TPSF),  Salum Shamte, kuashiria uzinduzi wa uzinduzi rasmi wa Mabaraza ya Ujuzi ya Kisekta uliofanyika leo katika Ukumbi wa Kimataifa wa Mwalimu Nyerere jijini Dar es Salaam.

Waziri wa Elimu, Sayansi na Teknolojia, Prof. Joyce Ndalichako, akipongezwa na Mwenyekiti wa Sekta Binfasi Tanzania (TPSF), Salum Shamte mara baada kuzinduzi Mabaraza ya Ujuzi ya Kisekta uliofanyika leo katika Ukumbi wa Kimataifa wa Mwalimu Nyerere jijini Dar es Salaam.

Waziri wa Elimu, Sayansi na Teknolojia, Prof. Joyce Ndalichako, akiwa katika picha ya pamoja na wawakilishi wa Sekta ya Kilimo.

Waziri wa Elimu, Sayansi na Teknolojia, Prof. Joyce Ndalichako, akiwa katika picha ya pamoja na wawakilishi wa Sekta ya Utalii.

Waziri wa Elimu, Sayansi na Teknolojia, Prof. Joyce Ndalichako, akiwa katika picha ya pamoja na wawakilishi wa Sekta ya Usafirishaji.

Wadau wa Sekta ya Nishati wakiwa katika picha ya pamoja na Waziri.

Wawakilishi kutoka Sekta ya Tehama.

Washirika wa Maendeleo wakiwa katika picha ya pamoja na Waziri.

Wawakilishi kutoka Tea na Bodi ya Mikopo.

Wawakilishi wa wanafunzi wa vyuo vikuu.

Na Mwandishi Wetu, Dar es Salaam

Serilikali kwa kushirikiana na Taasisi ya Sekta Binafsi Tanzania (TPSF) wamezindua mabaraza ya ujuzi ya kisekta ili kujengea uwezo wanavyuo kwenye soko la ajira.

Akizindua mabaraza hayo jijini Dar es Salaam leo, Waziri wa Elimu, Sayansi, Teknolojia  na Ufundi Stadi, Prof. Joyce Ndalichako amesema mabaraza hayo yatasaidia kupunguza tatizo la ujuzi katika nyanja mbalimbali za maendeleo.

“Mabaraza haya yatasimamiawa na kuratibiwa na TPSF kwa kuwa wao wapo katika nafasi kubwa ya kuzalisha ajira,” alisema Prof. Ndalichako

Alisema mabaraza hayo yana nafasi nzuri ya kufanikisha azma ya Serikali ya Awamu ya Tano kuifikisha Tanzania katika uchumi wa kati na viwanda ifikapo mwaka 2025.

“Napenda kutoa ombi kwa sekta binafsi kuendelea kuwapokea vijana au wanachuo wanaokuja kufanya mafunzo kwa vitendo (internship) ili kuwajengea uwezo na utayari wa kuingia kwenye soko la ajira,” alisema

Kwa upande wake, Mwenyeketi wa TPSF, Bwana Salum Shamte alisema mabaraza yatakuwa ni fursa pekee ya kuunganisha Taasisi binafsi, Serikali na Wadau mbalimbali wa maendeleo kutoka nje ya nchi katika kuleta ufanisi katika maendeleo.

“Tumefikia hatua nzuri  mpaka kuyazindua mabaraza haya ambayo yatakuwa chachu katika kuongeza ujuzi zaidi kwa wahitimu wa vyuo mbambali,” alisema Bwn. Shamte

Bwana Shamte alisema, TPSF imekuwa ikitoa ushauri na mapendekezo mbalimbali kwa serikali kupitia Baraza la Taifa la Biashara (TNBC) katika ngazi ya Wilaya, Mkoa, Wizara na hata Taifa ili yaweze kufanyiwa kazi.

“Huu ni mwendelezo wa mambo ambayo serikali imekuwa ikiyafanya kwa kushirkiana na TPSF kwani huko nyuma tumekuwa na majadiliano mengi yenye tija kwa mustakabali wa ustawi wa uchumi wa Tanzania,” alisema

Aidha, katika hatua nyingine Bwana Shamte alisema mabaraza hayo yatajikita katika sekta kuu sita ambazo ni Kilimo, Utalii, TEHAMA, Uchukuzi, Ujenzi na Nishati, hali ambayo itaongeza ushirikishwaji mpana kwa wadau katika kukuza  ujuzi nchini.

Kuanzishwa kwa mabaraza hayo kumeungwa mkono na wadau mbalimbali huku wakieleza ni kwa namna gani yataenda kusaidia  katika mnyororo mzima wa kukuza ujuzi nchini.

Bwana Fabian Mwakatuma ambaye ni mjumbe katika sekta ya kilimo amesema mpango mkakati wa ubia wa Serikali na TPSF utasaidia sana kupunguza changamoto ya wajuzi katika sekta mbalimbali

“Watu wanaohitimu stashahada na Shahada ni wengi kwa sasa hapa nchini lakini wengi wao hawana ujuzi na kushindwa  kuleta ushindaji katika soko la ajiri, hivyo uwepo wa mabaraza haya utawaongezea thamani wahitimu wa vyuo mbalimbali,” alisema Bwana Mwakatuma

Prof. Preksedis Ndomba kwa upande wake amesema huu ni mpango wa pili wa serikali wa kuhakikisha  kunakuwa na viwanda na rasilimali yenye weledi (ujuzi) katika sekta mbalimbali

“Ujuzi ni ni jambo ambalo ni mtambuka kwani linagusa maeneo mengi ya kisekta hivyo mabaraza haya yanaenda kuiweka Tanzania katika ramani nzuri kiuchumi na viwanda,” alisema Prof. Ndomba

Serikali na TPSF wamekuwa na majadiliano ya mara kwa mara katika kuhakikisha baadhi ya changamoto zilizopo zinapatiwa ufumbuzi ili kuimarisha  mazingira rafiki kwa upande wa uwekezaji hali ambayo imeleta mafanikio makubwa.