TIGO, TECNO WAZINDUA SIMU MPYA SABASABA

 Meneja wa Bidhaa za intaneti wa Tigo, Mkumbo Myonga, (kushoto) akionyesha kwa waandishi wa habari simu mpya za Smartphone aina ya TECNO S3 na TECNO R7, wakati wa uzinduzi uliofanyika katika viwanja vya Saba Saba jijini Dar es Salaam. (kulia) ni Meneja Uhusiano wa kampuni ya TECNO Mobile, Eric Mkomoya.

Meneja wa Bidhaa za intaneti wa Tigo, Mkumbo Myonga, akimsikiliza Meneja Uhusiano wa kampuni ya TECNO Mobile, Eric Mkomoya (kulia) wakati akionyesha kwa waandishi wa habari simu mpya za Smartphone aina ya TECNO S3 na TECNO R7, wakati wa uzinduzi uliofanyika katika viwanja vya Saba Saba jijini Dar es Salaam leo.

 

Na Tatu Mohamed

KAMPUNI ya simu ya mkononi ya Tigo Kwa kushirikiana na Kampuni ya Tecno imezindua simu mbili aina ya Tecno 3G na 4G Kwa lengo la kuwafikia  watanzania wengi hususani wa kipato cha chini.

Akizungumza leo Julai 1,2019 katika uzinduzi huo uliofanyika katika viwanja vya maonyesho ya 43 ya kibiashara ya kimataifa maarufu kama sabasaba, Meneja wa Vifaa vya Mawasiliano wa Tigo, Mkumbo Myonga amesema uzinduzi wa simu hizo unadhihirisha mkakati wa kampuni ya tigo kuendelea kufanya ubunifu wa kidigitali nchini.

Amesema simu hizo zitaweza kuwapa fursa ya kuongeza idadi ya watumiaji wa simu, watumiaji wa huduma za data na intaneti.

"Tunayofuraha kushirikiana na Tecno kuzindua aina mbili za simu za kisasa kwa mwaka huu 2019 ambazo ni simu aina ya Tecno S3 na R7, kwa sasa zinapatikana kwa kampuni hiyo ya tigo tu," amesema na kuongeza

"Simu hizi zinaofa ya mwaka mmoja wa bure wa kutumia intaneti Kwa wateja watakaozinunua na bei yake in ndogo kwa wanunuaji,".

Naye Meneja Uhusiano wa Kampuni ya  Tecno, Eric  Mkomoya amesema kuzinduliwa kwa simu hizo  kumelenga kuwawezesha wananchi kutumia simu za kisasa zenye teknolojia mpya.

Amesema simu ya Tecno R7 imetengenezwa ikiwa na kioo cha ukubwa wa inchi 5, kamera yenye uwezo wa mega 5 huku Tecno S3 ikiwa na kioo cha mbele inchi 4.