Watakaonunua S20 kupata GB 78 mwaka mzima

NA MWANDISHI WETU

 

KAMPUNI  Tigo Tanzania kwa kushirikiana na Samsung Electronics wamezindua simu janja aina ya Samsung S20 nchini ambayo ina ubora wa kimataifa.

Hayo yamesemwa na Meneja wa Bidhaa za Untaneti wa Tigo, Mkumbo Muyonga akizungumza wakati wa uzinduzi wa simu hiyo uliofanyika jijini Dar es Salaam.

Alisema “Ni jambo la kubwa sana kwetu kuchaguliwa na Samsung kuwa wa kwanza kuzihifadhi na kuuza simu za Samsung S20 kwenye soko la Tanzania.

Hii inaonesha imani yao kwetu juu ya mtandao mkubwa wa usambazaji tulionao na pia kupitia timu yetu ya huduma kwa wateja inayotoa huduma zenye ubora wa hali ya juu,”alisema Muyonga.

 “Lengo letu ni kuchochea mageuzi ya kidigitali katika maisha ya watu hapa nchini na ndio maana tumeungana na Samsung ili kuongeza idadi ya umiliki wa simu janja pamoja na matumizi ya data ili kuhakikisha watu wengi zaidi wanaifikiwa na teknolojia hii,” alisema Muyonga.

Muyonga aliongeza “Tunalenga kuongeza ueneaji wa simu janja nchini huku tukihakikisha wateja wetu wanafurahia huduma za kidigitali kupitia mtandao mkubwa wa 4G hapa nchini.

Na ndio maana tunatoa GB 78 za intaneti kwa mwaka mzima kwa wateja wote watakaonununa Samsung Galaxy S20, S20+ na S20 Ultra,” alisema.

Alisema ushirikiano huo ni sehemu ya mkakati wa Tigo wa kuongea matumizi ya mtandao wa 4G na kuchangia ukuaji wa teknolojia ya kidigitali nchini.

Akizungumza wakati wa  uzindizu huo, Meneja wa Samsung Tanzania, Suleiman Mohamed alisema Samsung imezindua simu ya Samsung Galaxy S20 toleo jipya ulimwenguni ambayo itabadilisha namna ambavyo watu wanavyoishi na kuufurahia ulimwengu.

“Galaxy S20, S20+ na S20 Ultra ina camera ambayo ina uwezo wa kipekee wa kupiga picha huku ikiwa na sifa mbalimbali ambazo zitamfanya mtumiaji kufurahia kuitumia ikiwamo muziki,video zenye ubora pamoja na michezo (games) mbalimbali.

“Tukiwa tunaingia kwenye muongo mwingine, kuna mabadiliko makubwa kwenye sekta ya mawasiliano na namna watu wanavyo ujua na kuufurahia ulimwengu,” alisema.

Alisema Samsung inahakikisha inatoa teknolojia na vifaa vya kisasa zaidi ili kuendana na mabadiliko hayo kwa kutumia camera yenye mfumo wa AI unaweza kupata kila tukio na kuungana na