Ripoti ya CAG yamkaanga Kigwangala

NA HAMIDA RAMADHANI, DODOMA

Aliyekuwa Waziri Wa Maliasili na Utalii Mhe.Khamis Kigwangala.

 

 

 MDHIBITI na Mkaguzi Mkuu wa Hesabu za Serikali (CAG), Charles Kichere amesema Ripoti imemuweka matatani aliyekuwa Waziri Wa Maliasili na Utalii, Khamis Kigwangala alivyotumia madaraka yake vibaya na kuisababishia hasara Serikali katika kampeni yake ya kuhamasisha upandaji Mlima Kilimanjaro.

Mbali na taarifa hiyo amegusia sekta za kiserikali na binafsi mbalimbali zilizobainika kuwa kinyume na matumizi ya Serikali 

Akitoa muhtasari wa ripoti hiyo jijini Dodoma, jana CAG Charles Kichere amesema, katika tamasha la Urithi Festival lililofanyika mwaka 2019, kulikuwa na viashiria vya ubadhirifu wa fedha kutokana na kanuni mbalimbali kukiukwa.

Tamasha hilo lilifanyika chini ya uongozi wa Dk. Kigwangalla wakati akiwa Waziri wa Maliasili na Utalii.

 

CAG Kichere amesema, fedha zilizotumika kufanikisha tamasha hilo, hazikuwa katika bajeti ya wizara hiyo, wala hakukuwa na mpango ulioidhinishwa wa utekelezaji wake.

Amesema, kutokana na fedha hizo kuwa nje ya bajeti, wizara hiyo ilichangisha kiasi cha shilingi bilioni moja kutoka katika wakala zake nne ambazo ni Shirika la Hifadhi za Taifa (TANAPA), Wakala wa Huduma za Misitu (TFS), Mamlaka ya Hifadhi ya Ngorongoro (NCAA) na Mamlaka ya Usimamizi wanyapori Tanzania (TAWA) huku wizara hiyo ikichangia shilingi milion 299 na kiasi cha bilioni 1.57 zilipatikana  na hazikuwa kwenye bajeti za wizara na taasisi husika.

Pia Kichere amesema kuwa milioni 487 zilipelekwa kwenye taasisi saba kwa ajili ya utekelezaji wa tamasha la urithi ambapo hakukuwa na nyaraka zilizowasilishwa kwa ajili ya ukaguzi ili kudhibiti matumizi hayo ambapo pia Shilingi milioni 585.52 yaliyolipwa na mhasibu wa mfuko wa tozo ya maendeleo ya utalii bila ya kuwa na nyaraka toshelezi.

"Mnamo Septemba 28, 2019 aliyekuwa waziri wa maliasili na utalii alizindua shindano lililoitwa Kigwangala Kill Challenge  lililojenga kuhamasisha watu kupanda mlima Kilimanjaro ambapo lilitumia shilingi milioni 172 zilizotolewa na NCAA  huku shilingi milioni 114.50 na TANAPA milioni 57.50 bila kuwa katika bajeti zao za mwaka wa fedha 2019/20.

Aidha kwa upande wake Mwenyekiti wa Kamati ya hesabu za Serikali Japhet Hasunga na Mwenyekiti wa Kamati ya Hesabu za Serikali za Mitaa naye kwa pamoja wameipongeza ripoti ya CAG huku akisema kama Bunge wataifanyia kazi katika kusimamia mali za Serikali kutokana na ripoti hiyo.