KAMATI YA MZUMBE ALUMNI YATUA ZANZIBAR

Mwenyekiti wa Kamati  Maalum ya kuanzisha  umoja wa wanafunzi waliosoma Chuo Kikuu Mzumbe (ALUMNI), Prof. Ganka Nyamsogoro, akiongoza kikao kilichojumuisha wanafunzi waliosoma chuo hicho kilichofanyika jijini Zanzibar.

 

Kikao cha Kamati  Maalum ya kuanzisha  umoja wa wanafunzi waliosoma Chuo Kikuu Mzumbe (ALUMNI), kikiendelea jijini Zanzibar.

 

 

UNGUJA, ZANZIBAR

Chuo  kikuuu cha  Mzumbe (Mzumbe University)  kimekusudia kuanzisha    umoja  wa wahitimu  waliosoma  katika  chuo hicho (Alumni Association).

Hayo aliyasema Prof. Ganka Nyamsogoro ambaye  ni mwenyekiti wa kamati maalum ya kuanzisha  umoja  huo  wakati akizungumza  na  baadhi  ya wawakilishi wa Zanzibar waliosoma katika chuo  hicho huko  katika ukumbi wa  Chuo Kikuu cha  Taifa Zanzibar (SUZA) katika  Campus ya skuli ya Kompyuta na Mafunzo ya  Habari kilichopo kilimani katika mkutano wa kupokea maoni ya kuazisha katiba pamoja na sera za Jumuiya hiyo.

Alisema  umoja  huo utaundwa  na wahitimu wote waliotokana   chuo hicho  tangu jina la Institute of Development Management ikiwa maarufu IDM Mzumbe hadi Mzumbe University wenye lengo la kuhakikisha wahitimu wanashiriki katika shuhuli za  maendeleo katika Chuo hicho.

Alisema umoja huo unaojulikana  kwa jina la Alumni Asociation  wahitimu watafaidika  na  umoja huo  kwa kuwa sehemu moja ya  chuo  hicho.

‘’Tukifanikiwa kuusimamisha  umoja huu na kuendeleza  wahitimu wataweza kupata mafunzo  ya muda mrefu  kwa  vitendo  katika maeneo  tofauti ‘’alieleza

 

Sambamba na  hayo  alisema  wahitimu hao watakapokuwa katika umoja huo wanaweza kushirikiana na chuo ili kuleta maendeleo.

Profesa alieleza kuwa kupitia umoja huo chuo kitatambuwa kazi ambayo imefanywa na muhitimu aliyotoka katika chuo hicho na kuitangaza.

‘’Lengo letu ni kuona  licha ya wahitimu kupata elimu lakini  pia watatangazwa kutokana  na kazi zao wanazozifanya’’alieleza.

Alisema chuo kinakusudia  kupitia  umoja  huo  kuthamini  kazi  kupitia  wahitimu wake  popote  walipo  duniani  ikiwa ni  mfanya  biashara au  mwana  michezo  kuzitangaza kazi zao.

Alisema kupitia  umoja wao  huo wanaweza kutoa mchango wa maendeleo kwa kutolea mfano wa kujenga mabweni kama ni  sehemu  ya  kulipa  fadhila waliyopata katika  chuo hicho.

Chuo  hicho  ambacho kilianzishwa mwaka  1952 kikijulikana  kwa jina  la IDM hadi kufikia 2001 kilichopewa jina  la MZUMBE  UNIVERSITY  ambacho tayari  kina  wahitimu  zaidi  ya elfu  ishirini.

Chuo hicho ambacho Mkuu wake   ni Rais mstaafu wa Serikali ya Mapinduzi ya Zanzibar  Dk.  Ali  Mohamed Shein ambapo Rais wa Jamuhuri ya Muungano wa Tanzania Samia Suluhu Hassan ni miongoni mwa wahitimu wa chuo hicho.