Rich Mavoko kutoka na Matonge

Na Elizabeth John

BAADA ya kutamba na ngoma yake ya ‘Marry me’, Msanii wa muziki wa kizazi kipya nchini, Richard Martin ‘Rich Mavoko’ ameachia ngoma yake mpya inayokwenda kwa jina la ‘Matonge’.

Akizungumza na Habari Mseto jijini Dar es Salaam, Mavoko anasema kibao hicho kimeanza kusikika tangu wiki iliyopita na anaamini kitafanya vizuri kutokana na ujumbe uliopo ndani yake.

Mavoko anawataka mashabiki wake wakipokee kibao hicho, na kwamba wakae mkao wa kula kwaajili ya kuipokea video ya kazi hiyo ambayo yupo katika hatua za mwisho za uandaaji.

“Nawashakuru sana mashabiki wangu kwa kunipokea vizuri katika soko la muziki tangu naingia hadi sasa wananipa sapoti ya kutosha kitua mbacho kinanipa matumaini ya kuendelea na kazi yangu, nawaomba mashabiki wangu wasichoke waendelee kuwa karibu na mimi,” anasema Mavoko.

Licha na vibao hivyo, Mavoko alishawahi kutamba na vibao vyake kama Mbona silali na Follo me ambazo zilimtambulisha na kufanya vizuri katika tasnia ya muziki wa bongo fleva.