DOGO JANJA AENDELEA KUTESA

Na Elizabeth John

WASANII wa muziki wa kizazi kipya nchini, Abdulaziz Chende ‘Dogo Janja’  anatarajia kuachia ngoma yake mpya hivi karibuni inayokwenda kwa jina la 'Maisha ya Skongo'.

Akizungumza jijini Dar es Salaam jana Dogo janja alisema katika ngoma hiyo ameshirikiana na msanii wa muziki huo Pancras Ndaki 'PNC'.

Alisema yuko katika hatua za mwisho za uandaaji wa kibao hicho, ambacho anaamini kitakonga nyoyo za mashabiki wa muziki huo ndani na nje ya nchi.

"Namshukuru mungu kazi zangu huwa zinapokewa vizuri na mashabiki wangu, kitu ambacho kinanipa moyo wa kuendelea kufanya vizuri katika 'game' hivyo nawaomba mashabiki wa kazi zangu waendelee kusubiri vitu vizuri kutoka kwangu,"alisema Dogo Janja.

Aliongeza kuwa ameamua kumshirikisha PNC katika kazi hiyo kutokana na uwezo wake katika tasnia ya muziki, ikiwa ni pamoja na historia yake nzuri ya kuutangaza muziki wa Bongo.