LINEX AJIPANGA KUACHIA 'KIMUGINA'

 Elizabeth John

MKALI wa muziki wa kizazi kipya nchini, Sunday Mangu 'Linex', anatarajia kusambaza ngoma yake mpya hivi karibuni inayokwenda kwa jina la 'Kimugina'.

Linex, kwa sasa anatamba na kazi yake ya 'Mahakama ya Mapenzi' mbali na kuwa na kazi nyingi ambazo zilimtambulisha na kufanya vizuri katika vituo mbalimbali vya redio.

Akizungumza jijini Dar es Salaam, Linex alisema wimbo huo anatarajia kuutambulisha hivi karibuni katika vituo mbalimbali vya redio na kwamba tayari upokatika hatua za mwisho za kukamilika.

Alisema wimbo huo ni miongoni mwa vibao vyake ambavyo ameviandaa kwa ajili ya mashabiki wake, hivyo wakae mkao wa kula kuipokea kazi hiyo.

"Kila wimbo ninaoutoa lazima kunakuwa na kisa cha kweli nyuma yake, hivyo kuna baadhi ya maneno yaliyoko humo ni ya kweli na mengine ni stori tu, ambazo nimeamua kuwapa mashabiki wangu," alisema Linex.