Shibuda amuomba Rais Samia Suluhu Hassan akutane na vyama vya siasa

NA HAMIDA RAMADHANI, DODOMA

MWENYEKITI wa Vyama vya Siasa Tanzania John Shibuna amemuomba Rais wa Serikali ya awamu ya sita Samia Suluhu Hassan akutane na vyama vya siasa ili waweze kupata nasaha zake.

 

Shibuda ameyasema hayo jana  jijini hapa wakati akizungumza na waandishi wa habari kuhusu tafakuri maalumu ya kuhitimisha kipindi cha maombolezo cha aliyekuwa Rais wa Serikali ya awamu ya Tano Hayati Dk John Magufuli.

 

Amefafanua kwamba hotuba ya kwanza ya Rais Samia ilionyesha na kuandikisha  maono na fikra sahihi  za wadau wa tasnia ya siasa na imethibitisha mitazamo ya kusimamiana kati ya serikali na wadau wa siasa.

 

“Kwa kipindi kifupi ulichoongoza umeonyesha kuwa wewe ni kiongozi bora na mbobezi kwa ujenzi na ufumbuzi kwa kuunda makutano kati ya fikra za wadau wa vyama vingi na umaana wa hekima ya ujumbe wa hotuba yako ya machi 19 mwaka huu,”amesema Shibuda.

 

 Shibuda amesema vyama vya siasa vinampongeza Rais Samia kwa kuwarejeshea matumaini ya  watanzania baada ya kumpoteza Hayati Dk Magufuli, kupitia  hotuba zake kumefanya kupatikana kwa matokeo chanya kwa ustawi na maendeleo ya jamii,uchumi na taifa kwa ujumla na wananchi kurejesha matumaini yao.

 

Aidha ameipongeza serikali ya awamu ya sita chini ya Rais Samia Suluhu Hassan kwa kuendeleza pale alipoishia Hayati Dk Magufuli huo ni uamsho mpya  unaokweza morali na kukuza hali mpya kwa umma kuwa rafiki na serikali ya awamu ya sita.

 

Shibuda amesema  Hayati Rais Dk Magufuli ameacha dhana kwenye vichwa vya watanzania vya kujitegemea kiuchumi  na ndoto huru ya maendeleo na ustawi wa jamii,uchumi na taifa.

 

Amesema hayati DKt Magufuli ameondoka duniani akiwa amedhibiti dhana potofu na ovu ya nchi kujengwa na wenye moyo na klul;iwa na wenye meno hususani wenye mirija ya unyanyasaji wa mali na rasilimali za taifa kupitia watu wa ndani na nje ya nchi.

 

“Hayati Dk Magufuli amemaliza wajibu wake hapa duniani ameiacha serikali na wananchi hivyo tuwe na misimamo thabiti ya kukataa vishawishi vya chui waliovaa ngozi za kondoo wenye nia ovu na katili ya kudhuru na kudhurumu maisha ya furaha na heshima za utu na uhai wa binadamu wa Tanzania,”mesema Shibuda.

Mwenyekiti huyo wa vyama vya saiasa  ametoa usahuri kwa Waziri wa Fedha na Mipango Mwigulu Nchemba kuibua uvumbuzi wa kisheria wa kusadikisha dhamila njema ya serikali kulinda maslai ya kati ya benki na mteja anayeweka pesa zake.

Amesema kodi na VAT zinadhoofisha uchangamfu na ustawi wa biashara hivyo wizara ya kilimo na wizara ya uwekezaji na wizara ya fedha kuwa na makutano mara kwa mara  kuunda sheria madhubuti zatakazo changia kukuza sekta muhimu ya biashara hapa nchini ambayo itachangia kuongeza wigo wa ukusanyaji kodi.