Kikosi kazi cha kuteketeza mapagale Dodoma chaja

Na Asha  Mwakyonde, Dodoma

MKURUGENZI wa jiji la Dodoma Joseph Mafuru amesema atatuma kikosi kazi kuhakikisha mapagale yote ya muda mrefu yanaondolewa lengo likiwa ni kuliweka jiji hilo safi.

Huo ni mwendelezo wa  zoezi la ufanyaji wa usafi kwenye Kata na Mitaa yote ya jiji hilo.

Haya aliyasema jana jijini hapa wakati wa zoezi la ufanyaji wa usafi katika Kata ya Kikuyu  maeneo ya St. John alisema amesema  mapangale na vichochoro vimeonekana vikificha vichaka na uchafu .

"Timu yangu itakuja kutembelea kata hii kutembea tena hapa katika kata hii ili kuangalia ni viwanja gani vina mapagale  ya muda mrefu na vilivyosababisha vichaka na uchafu wa muda ,"aliongeza Mafuru.

"Na ni kwanini tunakuwa na mapagale ya muda mrefu katika jiji letu na kwenye Hati kuna sheria inayosema pagale kukaa ni miaka  mitatu liwe limejenga  jengwa," alisema.

Kwa upande wake mkuu wa wilaya ya Dodoma Jabiri Shekimweri alisema usafi unaepusha maradhi ni wajibu wakila mwanachi kujitafakari na kujituma katika zoezi  la ufanyaji wa usafi katika eneo linalomzunguka.

Pia alifafanua kuwa watakaa siku ya Jumamosi ili  kuangalia namna ya kufunga maduka kwa undani zaidi wafanyabiasha wamekuwa wakifunga maduka na kwenye zoezi la usafi hawafanyi.

Naye Diwani wa kata hiyo Israel Mwasansu amesema suala la usafi ni endelevu kuanzia kwenye kaya hadi kwenye jumuiya na kwamba zoezi  la usafi ni ustarabu wa mtu hivyo kila mmoja ajitoe kufanya usafi maeneo yanayonzunguka ili kuhakikisha jiji la Dodoma linakuwa safi na la kupendeza.