Ditto aandaa video ya Niamini Remex

Na Elizabeth John

MSANII wa muziki wa kizazi kipya nchini, Dotto Benard ‘Ditto’ anajipanga kuachia video ya wimbo wake wa ‘Niamini Remex’ ambao unafanya vizuri katika vituo mbalimbali vya redio.

Akizungumza jinini Dar es Salaam, Ditto alisema yupo katika hatua za mwisho za uandaaji wa video hiyo anawaomba mashabiki wake wakae mkao wa kula ili kuipokea kazi hiyo.

“Naamini kazi hii itakua poa kutokana na mazingira ambayo nimeyatumia kufanyia kazi, naamini ndani ya wiki hii ntaisambaza katika vituo mbalimbali vya runinga naomba mashabiki wangu wake mkao wa kula,’ alisema Ditto.

Alisema kukaa kwake kimya kwa muda mrefu ni kutokana na kuwa na mambo mengi mbali na muziki ikiwa ni pamoja na kujipanga jinsi ya kuwapa burudani mashabiki wake na kwamba sasa amerudi rasmi mashabiki wa kazi zake wajiandae kupokea vitu vizuri kutoka kwake.

Mbali na kibao hicho, Ditto alishawahi kutamba na kazi zake kama Niamini, Nashukuru kwa yote na nyinginezo ambazo zilimtambulisha na kufanya vizuri katika tasnia ya muziki wa bongo fleva.