Riziki ya Tunda Man redioni

Na Elizabeth John

BAADA ya kutamba na kibao chake cha ‘Demu sio’, msanii wa muziki wa kizazi kipya nchini, Khalid Tunda ‘Tunda Man’ ameachia kibao chake kipya kinachokwenda kwa jina la ‘Riziki’.

Akizungumza na Habari Mseto jijini Dar es salaam, Tunda alisema wimbo huo unaelimisha jamii hivyo amewataka mashabiki wa kazi zake wakipokee kibao hicho kwa miwili.

Alisema wimbo huo unaujumbe mzito katika jamii na anaomba mashabiki wake waendelee kumpa sapoti katika kazi zake ambapo amejipanga kutoa burudani iliyoenda shule kwa mashabiki wake.

“Naomba mashabiki wangu waendelee kunipa sapoti katika kazi zangu kwani nimejipanga kuelimisha jamii inayonizunguka kwa kutumia kipaji changu, hivyo wakae mkao wa kula,” alisema Tunda.

Mbali na kutokana kibao hicho, Tunda Man lishawahi kutamba na vibao vyake kama, Goma la Manzese, Hali mbaya, na nyinginezo ambazo zilimtambulisha na kufanya vizuri katika vituo mbalimbali vya redio.