MEMBE-WAPIMENI WASAKA KITI CHA URAIS

 Waziri wa Mambo ya Nje na Ushirikiano wa Kimatifa, Bernard Membe akimkabidhi tuzo ya heshima ya kujitolea kwa ajili ya madrasa hapa Tanzania, hajjat Tatu Kazuga wakati wa tamasha la kwanza la Qaswida lililofanyika jijini Dar es Salaam na kudhaminiwa na Kampuni ya Dira ya Mtanzania. (Picha na Francis Dande) 

 Waziri wa Mambo ya Nje na Ushirikiano wa Kimatifa, Bernard Membe akimkabidhi Sheikh Ismail Mohamed tuzo ya heshima katika shughuli na masuala ya Qaswida hapa Tanzania. 

  Waziri wa Mambo ya Nje na Ushirikiano wa Kimatifa, Bernard Membe akimkabidhi Bi. Shamim Khan tuzo ya heshima ya kujishughulisha na kazi za kijamii hapa Tanzania.

 Sheikh Ismail Mohamed akizungumza waati wa tamasha la kwanza la Qaswida lililofanyika jijini Dar es Salaam na kudhaminiwa na Kampuni ya Dira ya Mtanzania.

 Baadhi wa waumini waliohudhuria tamasha hilo.

 Washiriki wa tamasha hilo.

Waziri wa Mambo ya Nje na Ushirikiano wa Kimatifa, Bernard Membe akizungumza katika tamasha hilo.

 Waimbaji wa Kaswida kutoka kikundi cha Muumini cha Buguruni jijini Dar es Salaam wakiimba kwenye tamasha la kwanza la Kaswida lililofanyika katika viwanja vya Shule ya Sekondari ya Benjamin Mkapa. Tamasha hilo lilidhaminiwa na Kampuni ya Dira ya Mtanzania.  

Waziri wa Mambo ya Nje na Ushirikiano wa Kimataifa, Bernard Membe akipokea tuzo maalumu kutoka kwa Sheikh Ismail Mohamed wakati wa tamasha la kwanza la Kaswida lililofanyika katika viwanja vya Shule ya Sekondari Benjamin Mkapa na kudhaminiwa na Kampuni ya Dira ya Mtanzania. 

NA ZAWADI CHOGOGWE

WAZIRI wa Mambo ya Nje na Ushirikiano wa  Kimataifa, Bernard Membe, amewataka Watanzania kusubiri kwa hamu siku ya kutangaza nia ya kuwania urais katika uchaguzi mkuu wa mwaka huu.

Membe alitoa wito huo leo jijini Dar es Salaam katika Tamasha la Qaswida lililofanyika katika viwanja vya Shule ya Sekondari ya Benjamini Mkapa.

Alisema siku hiyo ya Juni 6, wananchi wasikilize nini anataka kuifanya nchi iweze kuondoka ilipo ikiwemo kuendelea kudumisha amani na utulivu uliopo.

“Mkae tayari siku hiyo, naamini uongozi mzuri wa nchi ni ule wa kudumisha amani na utulivu na ili nchi iweze kusonga mbele, maadili kwa viongozi alisema,” alisema Waziri Membe

Pia Membe alitumia nafasi hiyo kuwasihi Watanzania kuacha kuchagua viongozi ambao kwa nje, wanajinadi  wana dini, lakini matendo hayaendani na maadili ya  dini zao.

Alisema ili mtu aweze kuaminika kuwa ana dini, jamii ifuatilie katika madhehebu yao, hivyo amewasihi wasichague viongozi wanaosaka uongozi kwa kutoa rushwa.

“Msikubali kuwa na viongozi ambao kwa nje, wanaojinadi kuwa na dini kinyume na matendo yao, lazima mchague wenye hofu ya Mungu ambayo husisitizwa na dini zote,”

Alisema uongozi wa heshima ni ule unaochukia rushwa ambayo ni adui wa haki, hivyo amewataka wananchi kuwaogopa wapenda rushwa kama ukoma.

Kuhusu tamasha hilo, Waziri Membe alipongeza uwepo wake ambapo ni kuwalea vijana katika maadili mema ya kumjua Mungu na kusema anajivunia Taasisi za aina hiyo.

Tamasha hilo lililodhaminiwa na Kampuni ya Dira Mtanzania chini ya Mkurugenzi wake Alex Msama, zaidi ya vikundi 50 vimeshiriki tukio hilo la aina yake.

Akizungumza katika Tamasha hilo, Mkurugenzi wa Ulamaa Promotion Center ya jijini Dar es Salaam, Jumanne Ligopora, alihimiza umuhimu wa kila mtu kuwa sehemu ya ulinzi wa amani na utulivu.

Katika hatua nyingine, watu mbalimbali walipewa tuzo katika tamasha hilo akiwemo Waziri Membe kutokana na mchango wake katika masuala ya kijamii.