CISM KUSHIRIKI RIADHA, NGUMI NA MIELEKA OKTOBA 18 CHINA

Na Faraja Ezra

BARAZA la Michezo ya Majeshi Duniani (CISM) linatarajia kushiriki Michezo ya Riadha, Ngumi, na Mieleka Octoba 18 hadi  27 mwaka huu nchini China.

Michezo ya cism imeanzishwa kwa lengo la kueneza amani  na upendo duniani badala ya vita hususan katika nchi korofi.

Akizungumza na waandishi wa habari Makao Makuu ya Jeshi jijini Dar es Salaam Mwakilishi wa Baraza hilo kutoka nchini Ubelgiji Kanali Joseph Bakari alisema Jeshi linashiriki Michezo kama sehemu ya utekelezaji wa kazi ndani na nje ya nchi.

Aidha Kanali Joseph alisema pia mchezo huo utahusisha bara nne ikiwemo Afrika,  Asia, Amerika na Ulaya ambapo bara la Afrika  watatoa washiriki 47, Asia 32, Ulaya 42 na Amerika 30.

"Miongoni mwa Michezo itakayochezwa ni pamoja na  mpira wa miguu, Ngumi, Golf na Judo, ikiwa na lengo la kudunisha amani na upendo katika nchi wanachama,"alisema Kanali Joseph.

Hata hivyo  Kanali Joseph alisema  wamekuwa wakikabiliana na changamoto mbalimbali tangu kuanzishwa kwa baraza hilo ambapo  alisema mmoja ya changamoto ni ushiriki hafifu kwa wachezaji kwa kuwa na uhaba wa elimu juu ya umuhimu wa cism.

Kanali Joseph alisema  Cism ilianzishwa  mnamo mwaka 1948 ambapo  mwaka 1979 Tanzania ilifanya vizuri katika Michezo ya  Riadha na Ngumi.

Pia katika Michezo hiyo ikihudhuriwa na viongozi mbalimbali wa serikali na huku Mgeni rasmi atakuwa Raisi wa  Jamhuri ya  watu wa China.

Alisema ni fursa ya pekee kwa Tanzaniaw  kushiriki Michezo hiyo ili kupata uzoefu katika Michezo na kujipatia Ubunifu katika suala la Michezo.

duniani.