Waandaaji mitaala wafundwa

 

Na Mwandishi Wetu

SERIKALI imewataka  wataalamu wanaoandaa muundo wa mitaala nchini kuhakikisha wanakidhi matamanio ya Watanzania ya kuwa na mitaala mipya ya elimu nchini kuanzia ngazi ya  Awali, Elimu Msingi, Sekondari na Ualimu.

Hayo yamesemwa leo Machi,23, 2022 na Naibu Katibu Mkuu (Elimu) Wizara ya Elimu, Sayansi na Teknolojia Profesa Carolyne Nombo katika mazungumzo yake na wataalamu wanaoendelea na kazi ya uandaaji wa muundo wa mtaala.

Amesema kazi hiyo ni muhimu hivyo amewaomba waifanye kwa weledi na umakini.

"Serikali inawategemea mmalize kazi hii kwa wakati na weledi na mitaala mipya ianze kutumika kama ilivyokusudiwa" amesema Profesa Nombo. 

Kazi ya uandaaji wa muundo wa mitaala inaendelea kufanyika Mjini Morogoro kuanzia Machi 21, 2022 ikiongozwa na Mwenyekiti wa Kamati Wataalam (Technical Commitee) inayosimamia kazi ya maboresho ya Mitaala Profesa Makenya Maboko na wajumbe kutoka vyuo vikuu, Wizara ya Elimu, Sayansi na Teknolojia, Taasisi ya Elimu Tanzania (TET), Taasisi ya Elimu Zanzibar (TEZ) na wataalam kutoka sekta binafsi.